കൊച്ചി: ലോക്സഭ തെരഞ്ഞെടുപ്പിലെ പ്രചാരണത്തിൽ മതവികാരം ഇളക്കി വിട്ടെന്ന പരാമർശത്തിൽ: സുരേഷ് ഗോപി എം പി വിചാരണ നേരിടണമെന്ന് കോടതി. ഹർജി നിലനിൽക്കില്ലെന്ന സുരേഷ് ഗോപിയുടെ വാദം ജസ്റ്റിസ് കൗസർ എടപ്പഗത്ത് തള്ളി. എഐവൈ എഫ് തൃശൂർ ജില്ലാ പ്രസിഡന്റ് എ എസ് ബിനോയിയാണ് ഹർജി സമർപ്പിച്ചത്.
വിജയിച്ച സുരേഷ് ഗോപി തെരഞ്ഞെടുപ്പ് പ്രചാരണവേളയില് മതചിഹ്നങ്ങള് ഉപയോഗിച്ചും മതവികാരം ഇളക്കിവിട്ടും വോട്ടര്മാരെ സ്വാധീനിക്കാന് ശ്രമിച്ചുവെന്നും അത് തെരഞ്ഞെടുപ്പ് ചട്ടലംഘനമാണെന്നും അതിനാല് തെരഞ്ഞെടുപ്പ് റദ്ദാക്കണമെന്നുമായിരുന്നു ഹര്ജി.
ചിത്രങ്ങളും ദൃശ്യങ്ങളുമടക്കം ഹര്ജിക്കാരന് കൈമാറിയിരുന്നു. ഹര്ജി നിയമപരമായി നിലനില്ക്കില്ലെന്ന സുരേഷ് ഗോപിയുടെ വാദം ഹൈക്കോടതി തള്ളിയതോടെ വിചാരണ നേരിടേണ്ടി വരും. ഹൈക്കോടതി ഇടപെടല് സ്വാഗതാര്ഹമാണെന്ന് ലോക്സഭാ തെരഞ്ഞെടുപ്പില് എല്ഡിഎഫ് സ്ഥാനാര്ഥിയായിരുന്ന വി എസ് സുനില്കുമാര് പ്രതികരിച്ചു. മതത്തെ ദുരുപയോഗിച്ചും വോട്ടര്മാരെ സ്വാധീനിക്കാന് പണവും ഉപഹാരങ്ങളും നല്കിയുമാണ് സുരേഷ് ഗോപി പ്രചാരണം നടത്തിയതെന്നും സുനില്കുമാര് പറഞ്ഞു.
Election campaign remarks: Court orders Suresh Gopi to face trial
