ന്യൂഡല്ഹി: ഇന്ത്യയെ ‘നരകക്കുഴിയെന്നു ് അധിക്ഷേപ പരാമര്ശം നടത്തിയ അമേരിക്കന് പ്രസിഡന്റ് ഡോണള്ഡ് ട്രംപിനെതിരേ രൂക്ഷ പ്രിതകരണവുമായി ഇന്ത്യ. അമേരിക്കന് പ്രസിഡന്റിന്റെ പരാമര്ശം ‘അനുചിതവും വിവരക്കേടുമാണെന്നുവിദേശകാര്യ മന്ത്രാലയം പ്രസ്താവനയിറക്കി.
വളരെക്കാലമായി പരസ്പര ബഹുമാനത്തില് തുടരുന്ന ഇന്ത്യ- യുഎസ് ബന്ധത്തെ പ്രതിഫലിപ്പിക്കുന്നതല്ല ഈ പരാമര്ശമെന്നും വിദേശകാര്യ മന്ത്രാലയ വക്താവ് രണ്ധീര് ജയ്സ്വാള് പറഞ്ഞു.
ഇന്ത്യയില് നിന്നും ചൈനയില് നിന്നും ഗര്ഭിണികള് പ്രസവത്തിനായി യുഎസില് എത്തുന്നുവെന്നും അതിലൂടെ അവര്ക്ക് ഇന്സ്റ്റന്റ് പൗരത്വം ലഭിക്കുന്നു എന്നുമുള്ള രാഷ്ട്രീയ നിരീക്ഷകനും റേഡിയോ അവതാരകനുമായ മൈക്കിള് സാവേജ് പോസ്റ്റ് ചെയ്ത കത്ത് ട്രൂത്ത് സോഷ്യലില് പങ്കുവെച്ചുകൊണ്ടായിരുന്നു ഡോണള്ഡ് ട്രംപിന്റെ അധിക്ഷേപം. അധിക്ഷേപ പോസ്റ്റ് സോഷ്യഷ മീഡിയയില് പ്രത്യക്ഷപ്പെട്ടതിന് മണിക്കൂറുകള്ക്ക് പിന്നാലെ യുഎസ് എംബസി മറ്റൊരു പ്രസ്താവന പുറത്തിറക്കി.
ഇന്ത്യ മഹത്തായ രാജ്യമാണെന്നും നല്ല സുഹൃത്താണെന്നുമാണ് അമേരിക്കന് വിശ്വസിക്കുന്നതെന്നും യുഎസ് എംബസി വ്യക്തമാക്കി. അതേസമയം ട്രംപിന്റെ പരാമര്ശത്തില് മോദിക്കെതിരെ കോണ്ഗ്രസ് അധ്യക്ഷന് മല്ലികാര്ജുന ഖാര്ഗെ തിരിച്ചടിച്ചു. മോദിജിയുടെ പ്രിയ സുഹൃത്ത്, ഇന്ത്യയെ അധിക്ഷേപിക്കുകയും അങ്ങേയറ്റം നിന്ദ്യമായ ഒരു പദം ഉപയോഗിക്കുകയും ചെയ്യുന്ന കുറിപ്പ് പങ്കുവെച്ചിട്ടും മോദി മൗനം പാലിക്കുകയാണെന്ന് അദ്ദേഹം എക്സില് കുറിച്ചു.
India strongly criticizes Trump for calling India a ‘hellhole’
