ടെഹ്റാന്: ഇസ്ളാമാബാദില് നടക്കുന്ന അമേരിക്ക-ഇറാന് സമാധാന ചര്ച്ചയില് പങ്കെടുക്കാനായി പുറപ്പെട്ട ഇറാന് പാര്ലമെന്റ് സ്പീക്കര് മുഹമ്മദ് ബഖര് ഖാലിബാഫി വിമാനത്തിനുള്ളില് നിന്നും പങ്കുവെച്ച ചിത്രങ്ങള് ശ്രദ്ദേയമാകുന്നു. യുദ്ധം ആരംഭിച്ച ഫെബ്രുവരി 28-ന് ഇറാാനിലെ മിനാബ് എലിമെന്ററി സ്കൂളില് നടന്ന വ്യോമാക്രമണത്തില് കൊല്ലപ്പെട്ട കുട്ടികളുടെയും അധ്യാപകരുടെയും ചിത്രങ്ങളും അവരുടെ സാധനങ്ങളും വിമാനത്തിലെ ഒഴിഞ്ഞ സീറ്റുകളില് നിരത്തി വെച്ചാണ് ഖാലിബാഫ് യാത്ര ചെയ്തത്.
യുഎസ്-ഇസ്രായേല് ആക്രമണത്തിന്റെ ക്രൂരത ലോകത്തെ ബോധ്യപ്പെടുത്തുന്നതിനായുള്ള ശക്തമായ പ്രതീകാത്മക പ്രതിഷേധമായാണ് ഇത് വിലയിരുത്തപ്പെടുന്നത്.
ഈ ചിത്രങ്ങള് തന്റെ എക്സ് പ്ലാറ്റ്ഫോമില് പങ്കുവെച്ച ഖാലിബാഫ്, ‘ഈ വിമാനത്തിലെ എന്റെ സഹയാത്രികര്, മിനാബ് 168’ എന്ന് കുറിച്ചു. മിനാബ് സ്കൂള് ആക്രമണത്തില് 165 പേര് കൊല്ലപ്പെടുകയും നൂറിലധികം പേര്ക്ക് പരിക്കേല്ക്കുകയും ചെയ്തിരുന്നു. ഈ സംഭവം ചര്ച്ചകളില് ഇറാന്റെ പ്രധാന നിലപാടായി മാറുമെന്നുറപ്പാണ്.
Iranian speaker shares photos of children killed in US attack on trip to peace talks
