ദുബായ്: ഇറാനിലെ അമേരിക്കന് ആക്രമണം അഞ്ചാം ആഴ്ച്ച പിന്നിട്ടതോടെ അമേരിക്കന് മള്ട്ടിനാഷ്ണല് കമ്പനികളെ ലക്ഷ്യമിട്ടുള്ള ഇറാന്റെ ഡ്രോള് ആക്രമണം തുടരുന്നു. ഏറ്റവുമൊടുവില് ഇന്ന് ദുബായിലെ ഒറാക്കിള് ഓഫീസിനു നേരെ ഇറാന് ഡ്രോണ് ആക്രമണ നീക്കം നടത്തി. ദുബായ് ഇന്റര്നെറ്റ് സിറ്റിയില് ഇറാന് ആക്രമണ ശ്രമം പ്രതിരോധിച്ചതായി യുഎഇ അറിയിച്ചു. ദുബൈ മറീന ഏരിയയിലെ ഓറാക്കിള് ഓഫീസ് സമുച്ചയത്തിന് നേരെ ആയിരുന്നു ആക്രമണ ശ്രമം ഉണ്ടായത്. സംഭവത്തില് ആര്ക്കും പരിക്കേറ്റിട്ടില്ലെന്നും യുഎഇ അധികൃതര് അറിയിച്ചു.
നേരത്തെ, ബഹ്റൈനിലെ ആമസോണ് സെന്ററിന് നേരെയും ഇറാന് ആക്രമണം നടത്തിയിരുന്നു. ഗള്ഫ് മേഖലയിലെ അമേരിക്കന് സ്ഥാപനങ്ങളെ ലക്ഷ്യമിടുന്നതായി ഇറാന് മുന്നറിയിപ്പ് നല്കിയതിന് പിന്നാലെയാണ് ആക്രമണം. യുദ്ധത്തിലും ചാരവൃത്തിയിലും ആര്ട്ടിഫിഷ്യല് ഇന്റലിജന്സ് ഉപയോഗിക്കുന്നു എന്ന് ചൂണ്ടിക്കാട്ടിയാണ് ഇറാന് ബഹുരാഷ്ട്ര ടെക് കമ്പനികളെ ആക്രമിക്കുമെന്ന് മുന്നറിയിപ്പ് നല്കിയത്.
ആമസോണ്, മൈക്രോസോഫ്റ്റ്, ആപ്പിള്, ഡല് ടെക്നോളജീസ്, മൈക്രോസോഫ്റ്റ്, എച്ച്പി, സിസ്കോ, ഇന്റല്, ഒറാക്കിള്, ആപ്പിള്, മെറ്റാ പ്ലാറ്റ്ഫോമുകള് (ഫെയ്സ്ബുക്ക്, വാട്ട്സ്ആപ്പ്, ഇന്സ്റ്റാഗ്രാം), ഐബിഎം, ജെപി മോര്ഗന് ചേസ്, ടെസ്ല, ജനറല് ഇലക്ട്രിക്, ബോയിംഗ് എന്നിവയാണ് ഐആര്ജിസിയുടെ ഹിറ്റ് ലിസ്റ്റിലുള്ള മറ്റ് അമേരിക്കന് കമ്പനികള്.
ഇറാന്റെ മിസൈല്- ഡ്രോണ് ആക്രമണങ്ങളില് അബുദാബിയില് അഞ്ച് ഇന്ത്യക്കാരടക്കം 12 പേര്ക്ക് പരിക്കേറ്റതായി യുഎഇ പ്രതിരോധ മന്ത്രാലയം അറിയിച്ചു. പരിക്കേറ്റവരില് ഏഴ് പേര് നേപ്പാള് സ്വദേശികളാണ്. മിസൈല് അവശിഷ്ടങ്ങള് വീണതിനെ തുടര്ന്നു ഹബ്ഷാന് ഗ്യാസ് പ്ലാന്റിലുണ്ടായ വന് തീപിടിത്തം അഗ്നിശമന സേന നിയന്ത്രണവിധേയമാക്കി.
Iran’s attacks on American companies in the Gulf continue: Drone attack targeting Oracle office in Dubai
