കൊച്ചി : ലൈംഗികാതിക്രമക്കേസില് അറസ്റ്റിലായ സംവിധായകന് രഞ്ജിത്തിനെ റിമാന്ഡ് ചെയ്തു. എറണാകുളം സബ് ജയിലിലാണ് രഞ്ജിത്തിനെ പാര്പ്പിക്കുക. പീഡനക്കേസില് അറസ്റ്റിലായ രഞ്ജിത്തിനെ കൊച്ചിയില് മജിസ്ട്രേറ്റിന്റെ വസതിയില് ഹാജരാക്കി.
തുടര്ന്നാണ് 14 ദിവസത്തേയ്ക്ക് റിമാന്ഡ് ചെയ്തത്. ഇന്നലെ ഷൂട്ടിംഗിനിടെ നിന്നും കസ്റ്റഡിയിലെടുത്ത രഞ്ജിത്തിനെ രാത്രിയാണ് പൊലീസ് കൊച്ചിയിലെത്തിച്ചത്. ആരോഗ്യപ്രശ്നങ്ങളെ തുടര്ന്ന് എറണാകുളം ജനറല് ആശുപത്രിയില് പ്രവേശിപ്പിച്ചിരുന്ന രഞ്ജിത്തിനെ രാവിലെ ഡോക്ടര്മാര് എത്തി പരിശോധിച്ചു. നിലവില് മറ്റ് ആരോഗ്യപ്രശ്നങ്ങള് ഇല്ലെന്ന് അറിയിച്ചതിനെത്തുടര്ന്ന് വനിതാ പോലീസ് സ്റ്റേഷനിലെത്തിച്ചു.
തുടര്ന്ന് കൊച്ചിയിലെ മജിസ്ട്രേറ്റിന്റെ വസതിയിലേക്ക് കൊണ്ടുപോ കുകയായിരുന്നു. ഫോര്ട്ട് കൊച്ചിയില് സിനിമാ സെറ്റില് വെച്ച് ലൈംഗികാതിക്രമം നടത്തിയെന്ന യുവനടിയുടെ പരാതിയിലാണ് രഞ്ജിത്ത് പിടിയിലായത്.
Sexual assault case: Director Ranjith remanded
