കാലിഫോര്ണിയ: കാലിഫോര്ണിയയിലുള്ള ഇര്വിനില് ഭരതനാട്യരംഗത്തെ ആറ് പ്രമുഖ ഗുരുക്കന്മാരെ അണിനിരത്തി ഏകതാ സെന്റര് ‘ഡാന്സ് കോണ്വര്സേഷന്സ്’ എന്ന പരിപാടി സംഘടിപ്പിച്ചു. യു.എസില് ഭരതനാട്യ കലാരൂപത്തിന് അടിത്തറയിട്ട കാതറിന് കുഞ്ഞിരാമന്, ഹേമ രാജഗോപാലന്, രത്ന കുമാര്, മൈഥിലി കുമാര്, വിജി പ്രകാശ്, രമ്യ ഹരിശങ്കര് എന്നിവരാണ് ഈ വേദിയില് ഒത്തുചേര്ന്നത്.
അഞ്ചു പതിറ്റാണ്ടിലേറെ നീണ്ട തങ്ങളുടെ നൃത്താവിഷ്കാരങ്ങളുടെ ഓര്മ്മകളും ചിത്രങ്ങളും പങ്കുവെച്ചതിനൊപ്പം വേദിയില് ഇവര് ഹ്രസ്വമായ അഭിനയ മുഹൂര്ത്തങ്ങളും അവതരിപ്പിച്ചു. യു.എസിലെ ഇന്ത്യന് ശാസ്ത്രീയ നൃത്ത ശാഖയുടെ ചരിത്രപരമായ വളര്ച്ചയെ അടയാളപ്പെടുത്തിയ ഈ സംഗമം, കലയോടുള്ള ഇവരുടെ ആയുഷ്കാല സമര്പ്പണത്തിന്റെ സാക്ഷ്യപത്രമായി മാറി.
വാര്ത്ത: പി.പി ചെറിയാന്
‘Dance Conversations’, which unfolded the history of Bharatanatyam, was held in California
