കൊച്ചി: എക്സാലോജിക് സാമ്പത്തിക ഇടപാടിൽ സിഎംആര്എല്ലിന് വൻ തിരിച്ചടി. ഇഡി അന്വേഷണത്തിനെതിരെ സിഎംആർഎൽ നൽകിയ ഹർജി ഹൈക്കോടതി തള്ളി. ഇഡിയുടെ അന്വേഷണം തുടരാമെന്ന് ജസ്റ്റിസുമാരായ എ രാജാ വിജയരാഘവന്, കെ വി ജയകുമാര് എന്നിവരടങ്ങിയ ഡിവിഷന് ബെഞ്ച് ഉത്തരവിട്ടു.
ഹൈക്കോടതി ഉത്തരവിനെതിരെ അപ്പീല് നല്കാന് സുപ്രീംകോടതിയെ സമീപിക്കുന്നതിനായി, രണ്ടാഴ്ച വിധി മരവിപ്പിക്കണമെന്ന സിഎംആര്എല്ലിന്റെ ആവശ്യവും കോടതി തള്ളി.
മറ്റ് ഏജന്സികള് കേസ് അന്വേഷിക്കുന്നുണ്ടോ എന്നത് തങ്ങളെ ബാധിക്കുന്ന വിഷയമല്ലെന്നാണ് ഇഡിക്ക് വേണ്ടി ഹാജരായ കേന്ദ്ര സര്ക്കാര് അഭിഭാഷകര് വാദിച്ചത്. എസ്എഫ്ഐഒ ജനുവരിയില് അന്വേഷണം തുടങ്ങിയ കേസില് മാര്ച്ചിലാണ് തങ്ങള് അന്വേഷണം ആരംഭിച്ചതെന്നും കള്ളപ്പണം വെളുപ്പിക്കലുമായി ബന്ധപ്പെട്ട തെളിവുകള് ശേഖരിക്കാന് തങ്ങള്ക്ക് പൂര്ണ്ണ അധികാരമുണ്ടെന്നും ഇഡി കോടതിയില് വ്യക്തമാക്കിയിരുന്നു. കേസുമായി ബന്ധപ്പെട്ട് മുന്മുഖ്യമന്ത്രി പിണറായി വിജയന്റെ മകള് വീണയുടെ വീട്ടില് റെയ്ഡ് നടത്തിയിരുന്നു.
Huge setback for CMRL; High Court allows ED to continue investigation in Exalogic case
