ന്യൂയോര്ക്ക്: ഇന്ത്യയിലെ വിദ്യാര്ഥി പ്രക്ഷോഭത്തിന് ഐക്യദാര്ഢ്യം പ്രഖ്യാപിച്ചുകൊണ്ട് ഇന്ത്യന് ഓവര്സീസ് കോണ്ഗ്രസ് യുഎസ്എ (IOCUSA) ന്യൂയോര്ക്കിലെ ടൈംസ് സ്ക്വയറില് സമാധാനപരമായ പ്രതിഷേധം സംഘടിപ്പിച്ചു. ജനാധിപത്യം, നീതി, ഭരണഘടന ഉറപ്പു നല്കുന്ന പൗരാവകാശങ്ങള് എന്നിവയോടുള്ള പ്രതിബദ്ധത വീണ്ടും ഉറപ്പിച്ചുകൊണ്ടായിരുന്നു പ്രതിഷേധം.
വിദ്യാര്ഥികള് അവരുടെ അടിയന്തരആവശ്യങ്ങളില് ശ്രദ്ധേയമായ പുരോഗതി കൈവരിച്ചതില് സന്തോഷം രേഖപ്പെടുത്തിയ സംഘടന, ഇന്ത്യയില് ജനാധിപത്യ മൂല്യങ്ങള് ദുര്ബലമാകുന്നതിലുള്ള ആശങ്കയും പ്രകടിപ്പിച്ചു. ഡല്ഹിയിലെ ജന്തര് മന്തറില് സമാധാനപരമായി പ്രതിഷേധിച്ച വിദ്യാര്ഥികള്ക്കെതിരെ ബലപ്രയോഗം നടത്തിയെന്ന റിപ്പോര്ട്ടുകള് പൗരസ്വാതന്ത്ര്യത്തിന്റെയും സമാധാനപരമായപ്രതിഷേധത്തിനുള്ള അവകാശത്തിന്റെയും സംരക്ഷണത്തെക്കുറിച്ച് ഗൗരവമായ ചോദ്യങ്ങള് ഉയര്ത്തുന്നതായിസംഘടന ചൂണ്ടിക്കാട്ടി.
ഐഒസിയുസിഎ വൈസ്ചെയര്മാന് ജോര്ജ് എബ്രഹാം, വിദ്യാര്ഥികളുടെ ദൃഢനിശ്ചയത്തെ അഭിനന്ദിക്കുകയും അവരുടെ പ്രക്ഷോഭത്തെ സമകാലിക ഇന്ത്യന് രാഷ്ട്രീയത്തിലെ ഒരു വഴിത്തിരിവായി വിശേഷിപ്പിക്കുകയും ചെയ്തു.ന്യൂയോര്ക്കിലെ ടൈംസ് സ്ക്വയറില് നിന്ന് ഡല്ഹിയിലെ വിദ്യാര്ഥികളെഅഭിനന്ദിക്കുകയാണ്. നീതിക്കും നിഷ്പക്ഷതയ്ക്കും ജനാധിപത്യ മൂല്യങ്ങള്ക്കും വേണ്ടി അവര് ഉറച്ചുനിന്നു. ഉടനടി രാഷ്ട്രീയമായി എന്ത് സംഭവിച്ചാലും, യുവജനങ്ങളുടെയും സാധാരണ പൗരന്മാരുടെയും ശബ്ദം എന്നെന്നേക്കുമായിഅവഗണിക്കാന് കഴിയില്ലെന്ന സത്യം അവര് രാജ്യത്തെ ഓര്മ്മിപ്പിച്ചു.’ അദ്ദേഹം പറഞ്ഞു. വര്ഷങ്ങളായി രാഷ്ട്രീയആഖ്യാനങ്ങള് അതീവ സൂക്ഷ്മമായി രൂപപ്പെടുത്തിയതും അഭിപ്രായ വ്യത്യാസങ്ങളെ അടിച്ചമര്ത്താന് ശ്രമിച്ചതുമാണെന്ന് പലരും കരുതിയിരുന്നുവെങ്കിലും, നീതിക്കുവേണ്ടി ജനങ്ങള് ഒന്നിച്ചുനില്ക്കുമ്പോള് എത്ര ശക്തമായ പ്രതിച്ഛായയാണെങ്കിലും പൊതുജന വിചാരണയില് നിന്ന് ഒഴിഞ്ഞുമാറാനാവില്ലെന്ന് വിദ്യാര്ഥികള് തെളിയിച്ചുവെന്നും അദ്ദേഹം പറഞ്ഞു.
ഈ പ്രക്ഷോഭം ഒരു രാഷ്ട്രീയ പ്രത്യയശാസ്ത്രത്തിനുവേണ്ടിയായിരുന്നില്ലെന്നും, കഠിനാധ്വാനത്തിനും കഴിവിനും സത്യസന്ധതയ്ക്കും ഇപ്പോഴും വിലയുണ്ടെന്ന വിശ്വാസം ഓരോ ഇന്ത്യന് വിദ്യാര്ഥിക്കും ഉണ്ടാകണമെന്നആവശ്യമായിരു ന്നുവെന്നും ജോര്ജ് എബ്രഹാം പറഞ്ഞു. മക്കളുടെ വിദ്യാഭ്യാസത്തിനായി എല്ലാം ത്യജിച്ച മാതാപിതാക്കളുടെ സ്വപ്നങ്ങള് സംരക്ഷിക്കാനുള്ള പോരാട്ടം കൂടിയായിരുന്നു ഇതെന്നും അദ്ദേഹം കൂട്ടിച്ചേര്ത്തു.
‘ഈ സംഭവങ്ങള് ഇന്ത്യന് രാഷ്ട്രീയത്തില് പുതിയൊരു അധ്യായത്തിന് തുടക്കമാകാന് സാധ്യതയുണ്ട്. അധികാരത്തിന്റെ ഉറവിടം ജനങ്ങളാണെന്നും, ചോദ്യം ചെയ്യുന്നവരെയും വിമര്ശിക്കുന്നവരെയും നീതി ആവശ്യപ്പെടുന്നവരെയും കേള്ക്കുമ്പോഴാണ് ഭരണകൂടത്തിന്റെ വിശ്വാസ്യത ശക്തിപ്പെടുന്നതെന്നും ഇത് ഓര്മ്മിപ്പിക്കുന്നു,’ അദ്ദേഹം പറഞ്ഞു. ജനാധിപത്യം സര്ക്കാരുകള്കൊണ്ട് മാത്രം നിലനില്ക്കുന്നതല്ല, മനസ്സാക്ഷി അടിയറവയ്ക്കാന് വിസമ്മതിക്കുന്ന പൗരന്മാരിലൂടെയാണ് അത് ജീവന്നിലനിര്ത്തുന്നതെന്ന് വിദ്യാര്ഥികള് തെളിയിച്ചുവെന്നും അദ്ദേഹം അഭിപ്രായപ്പെട്ടു. അധികാരത്തെ ആനക്കൊമ്പ് ഗോപുരങ്ങളില് നിന്ന് സാധാരണ ജനങ്ങളുടെ ദൈനംദിനജീവിത പോരാട്ടങ്ങളിലേക്കുംസ്വപ്നങ്ങളിലേക്കും തിരിച്ചുകൊണ്ടുവരാന് ഈ പ്രക്ഷോഭത്തിന് കഴിഞ്ഞതായും അദ്ദേഹം പറഞ്ഞു.യുവജനങ്ങളുടെ സ്വപ്നങ്ങളെ ഒരു സര്ക്കാരിനും അനന്തകാലം അടിച്ചമര്ത്താനാവില്ല.
നീതിയുംസുതാര്യതയും ഉത്തരവാദിത്തവും ഭരണകുടം നല്കുന്ന ആനുകൂല്യങ്ങളല്ല, മറിച്ച് ജനങ്ങളുടെ അവകാശങ്ങളാണെന്ന്പുതിയ തലമുറ ഉറച്ചുപറയുമ്പോഴാണ് ജനാധിപത്യം പുതുജീവന് നേടുന്നത്,’ അദ്ദേഹം കൂട്ടിച്ചേര്ത്തു.അധികാരത്തിലുള്ളവര് എല്ലാവരും ഈ സന്ദേശം മനസ്സിലാക്കണം. ഭയംഒരു നിമിഷത്തേക്ക് ശബ്ദങ്ങളെ നിശ്ശബ്ദമാക്കിയേക്കാം. എന്നാല് സ്വന്തം ഭാവി സ്വയം രൂപപ്പെടുത്താന് തീരുമാനിച്ച ഒരു തലമുറയെ ഒരിക്കലും നിശ്ശബ്ദമാക്കാന് കഴിയില്ല. ജനാധിപത്യം ജയിക്കട്ടെ.സ്വാതന്ത്ര്യം ജയിക്കട്ടെ. ഇന്ത്യയുടെയുവത്വത്തിന്റെ അജയ്യമായ ആത്മാവ് ജയിക്കട്ടെ,’ എന്ന് പറഞ്ഞാണ് അദ്ദേഹം പ്രസംഗം അവസാനിപ്പിച്ചത്.പ്രതിഷേധത്തില് ഐഒസിയുസിഎനേതാക്കളായ മോഹിന്ദര് സിംഗ് ഗില്സിയന്, ജോണ് ജോസഫ്, ഡേവ് രണ്ധാവ, സോഫിയ ശര്മ്മ, ഇമ്രാന് പാഷ, മിന്ഹാജ് ഖാന്, പാര്ഥ ബാനര്ജി എന്നിവര്പങ്കെടുത്തു. കേരള ചാപ്റ്ററിനെപ്രതിനിധീകരിച്ച് ചെയര്മാന് പോള് കരുകപ്പള്ളി, ജനറല് സെക്രട്ടറി ജോസഫ് ഇടിക്കുള, മുന് പ്രസിഡന്റ് ലീല മാരേട്ട്, ഷൈമി ജേക്കബ് എന്നിവരും പ്രതിഷേധത്തില് പങ്കാളികളായി.
IOCUSA protests in Times Square in solidarity with the student agitation at Jantar Mantar.
