മാര്ട്ടിന് വിലങ്ങോലില്
എഡിന്ബര്ഗ് (ടെക്സസ്): ടെക്സാസ്, ഒക്ലഹോമ, കന്സാസ് സംസ്ഥാനങ്ങളിലെ സീറോ-മലബാര് കത്തോലിക്കാ രൂപതയിലെ 10 ഇടവകകളെ ഒരുമിപ്പിക്കുന്ന ഇന്റര് പാരിഷ് സ്പോര്ട്സ് ഫെസ്റ്റ് (IPSF 2026) ഓഗസ്റ്റ് 6 മുതല് 9 വരെ ടെക്സസിലെ എഡിന്ബര്ഗില് വിപുലമായ രീതിയില് നടക്കും.
എഡിന്ബര്ഗ് ഡിവൈന് മേഴ്സി സീറോ-മലബാര് കത്തോലിക്കാ ദൈവാലയത്തിന്റെ ആഭിമുഖ്യത്തിലും, ഓസ്റ്റിനിലെ PSG ഗ്രൂപ്പ് ഓഫ് കമ്പനീസ് ടൈറ്റില് സ്പോണ്സറും Powered by Legacy Business Brokers സ്പോണ്സറുമായി എഡിന്ബര്ഗ് നഗരസഭയുടെ സഹകരണത്തോടെയുമാണ് ഈ മഹാമേള സംഘടിപ്പിക്കുന്നത്.
2007-ല് യുവജനങ്ങള്ക്ക് കലാ-കായികരംഗത്ത് കഴിവുകള് പ്രകടിപ്പിക്കാനും വിശ്വാസത്തിലും കൂട്ടായ്മയിലും വളരാനും ലക്ഷ്യമിട്ട് ഗാര്ലന്ഡ് സെന്റ് തോമസ് സീറോ-മലബാര് പള്ളിയില് ആരംഭിച്ച ഈ ഫെസ്റ്റിവല് (IPTF & IPSF) ഇന്ന് അമേരിക്കയിലെ സീറോ-മലബാര് സമൂഹത്തിന്റെ ഏറ്റവും വലിയ കലാ-കായിക-സാംസ്കാരിക സംഗമങ്ങളിലൊന്നായി വളര്ന്നു.
നാല് ദിവസം നീണ്ടുനില്ക്കുന്ന 16 കായിക ഇനങ്ങളിലായി വിവിധ പ്രായവിഭാഗങ്ങളിലുള്ള 1,500-ലധികം കായികതാരങ്ങളും 5,000-ത്തിലധികം സന്ദര്ശകരും പങ്കെടുക്കുമെന്ന് സംഘാടകര് അറിയിച്ചു. കലാ-കായിക മത്സരങ്ങള് ഇടവിട്ട വര്ഷങ്ങളിലാണ് നടത്തപ്പെടുന്നത്.
കായികമത്സരങ്ങള്ക്കൊപ്പം വിശ്വാസം, കുടുംബസൗഹൃദം, സംസ്കാരം, യുവജനനേതൃത്വം, സമൂഹഐക്യം എന്നിവ പ്രോത്സാഹിപ്പിക്കുന്ന വിവിധ സാംസ്കാരിക പരിപാടികളും IPSF 2026-ന്റെ പ്രധാന ആകര്ഷണങ്ങളായിരിക്കും. എഡിന്ബര്ഗ് നഗരത്തിലെ അന്താരാഷ്ട്ര നിലവാരത്തിലുള്ള വിവിധ കായികവേദികളിലാണ് മത്സരങ്ങള് സംഘടിപ്പിച്ചിരിക്കുന്നത്.
സ്പോണ്സര്മാര്ക്ക് മികച്ച അവസരം:
IPSF 2026-ന്റെ വിജയത്തില് പങ്കാളികളാകാന് ബിസിനസ് സ്ഥാപനങ്ങളെയും സംരംഭകരെയും സമൂഹസേവന സംഘടനകളെയും സംഘാടകര് ക്ഷണിക്കുന്നു. സ്പോണ്സര്ഷിപ്പ് മുഖേന ആയിരക്കണക്കിന് കുടുംബങ്ങളിലേക്കും സമൂഹാംഗങ്ങളിലേക്കും നേരിട്ട് എത്തിച്ചേരാനുള്ള അപൂര്വ അവസരമാണ് ലഭിക്കുക.
ഇവന്റിന്റെ ബ്രാന്ഡ് പ്രദര്ശനം, ഡിജിറ്റല് മീഡിയ പ്രചാരണം, വേദിയിലെ അംഗീകാരം, പ്രൊമോഷണല് അവസരങ്ങള് എന്നിവ ഉള്പ്പെടെയുള്ള നിരവധി ആനുകൂല്യങ്ങള് സ്പോണ്സര്മാര്ക്ക് ലഭ്യമാകും. വിവിധ സ്പോണ്സര്ഷിപ്പ് പാക്കേജുകള് ഇതിനായി ഒരുക്കിയിട്ടുണ്ട്.
കായികമേളയ്ക്കപ്പുറം – ബിസിനസ് നെറ്റ്വര്ക്കിംഗും വിനോദസഞ്ചാരവും:
IPSF 2026 വെറും കായികമത്സരങ്ങളില് ഒതുങ്ങുന്നില്ല. സമൂഹത്തിലെ പ്രൊഫഷണലുകളെയും സംരംഭകരെയും ഒരുമിപ്പിക്കുന്ന Syro Faith & Business Connect എന്ന പ്രത്യേക ബിസിനസ് നെറ്റ്വര്ക്കിംഗ് പരിപാടിയും സംഘടിപ്പിക്കുന്നു.
2026 ഓഗസ്റ്റ് 8-ന് നടക്കുന്ന ഈ പരിപാടിയില് വിവിധ മേഖലകളില് നിന്നുള്ള 75 തിരഞ്ഞെടുക്കപ്പെട്ട സംരംഭകരും പ്രൊഫഷണലുകളും പങ്കെടുക്കും. നേതൃത്വവികസനം, സംരംഭകത്വം, മെന്ററിംഗ്, സഹകരണ സംരംഭങ്ങള്, പ്രൊഫഷണല് നെറ്റ്വര്ക്കിംഗ് എന്നിവ പ്രോത്സാഹിപ്പിക്കുന്ന ഈ സംരംഭം സീറോ-മലബാര് സമൂഹത്തിന്റെ ബിസിനസ് ബന്ധങ്ങളെ കൂടുതല് ശക്തിപ്പെടുത്തുക എന്ന ലക്ഷ്യത്തോടെയാണ് ഒരുക്കിയിരിക്കുന്നത്.
അതോടൊപ്പം, അമേരിക്കയുടെ വിവിധ ഭാഗങ്ങളില് നിന്നും എത്തിച്ചേരുന്ന കുടുംബങ്ങള്ക്കായി മികച്ച അനുഭവം ലഭ്യമാക്കാന് ‘RGV Gateway to the Stars’ എന്ന ടൂര് പാക്കേജുകളും ഒരുക്കിയിട്ടുണ്ട്.
പരിപാടിയോടനുബന്ധിച്ച് സാന് യുവാന് ബസിലിക്കയും അനുബന്ധമായ സുപ്രധാന വിശുദ്ധ ഇടങ്ങളും, സ്പേസ് എക്സ് സെന്റര്, സൗത്ത് പാഡ്രെ ഐലന്ഡ്, റിയോ ഗ്രാന്ഡ് വാലിയിലെ മറ്റ് പ്രധാന വിനോദസഞ്ചാര കേന്ദ്രങ്ങള് ഉള്പ്പെടെയുള്ള ടൂര് പാക്കേജുകള് മുന്കൂട്ടി ബുക്ക് ചെയ്യാനുള്ള സൗകര്യം ലഭ്യമാണ്. ഇതിലൂടെ IPSF 2026 ഒരു കായികമേള മാത്രമല്ല, കുടുംബസമേതം ആസ്വദിക്കാവുന്ന സമഗ്രമായ സാമൂഹിക, സാംസ്കാരിക, വിനോദസഞ്ചാര അനുഭവമായി മാറുന്നു.
സ്പോര്ട്സ് മത്സരങ്ങള്, കുടുംബസംഗമം, ബിസിനസ് നെറ്റ്വര്ക്കിംഗ്, സാംസ്കാരിക പരിപാടികള്, വിനോദസഞ്ചാരം, സ്പോണ്സര്ഷിപ്പ് അവസരങ്ങള് എന്നിവയെ ഒരുമിപ്പിക്കുന്ന IPSF 2026, അമേരിക്കയിലെ സീറോ-മലബാര് സമൂഹത്തിന്റെ ഇതുവരെയില്ലാത്ത ഏറ്റവും വലിയ കമ്മ്യൂണിറ്റി ഇവന്റായി മാറുമെന്ന് സംഘാടകര് പ്രതീക്ഷ പ്രകടിപ്പിച്ചു.
സംഘാടകര് എല്ലാ വ്യക്തികളെയും കുടുംബങ്ങളെയും സ്ഥാപനങ്ങളെയും ഈ മഹത്തായ സമൂഹ സംരംഭത്തിന്റെ ഭാഗമാകാന് ഹൃദയപൂര്വ്വം ക്ഷണിക്കുന്നു.
IPSF-2026 കമ്മിറ്റി ചെയര് റവ. ഫാ. ജോയി മൂലേച്ചാലിലിനൊപ്പം ജനറല് കോര്ഡിനേറ്റര് ബിജു ജോസഫ്, ട്രസ്റ്റിമാരായ ജോജോ തോമസ്, മനോജ് വടക്കയില് ഉള്പ്പെടെയുള്ള ലീഡ് കോര്ഡിനേറ്റര്മാര് വാര്ത്താസമ്മേളനത്തില് സ്പോര്ട്സ് ഫെസ്റ്റിന്റെ ഒരുക്കങ്ങളെക്കുറിച്ച് വിശദമായി സംസാരിച്ചു.
കൂടുതല് വിവരങ്ങള്ക്കും സ്പോണ്സര്ഷിപ്പിനുമായി സന്ദര്ശിക്കുക:
https://www.ipsf-2026.com
Preparations for Inter-Parish Sports Fest in full swing: IPSF 2026 set to be a historic event in Edinburgh.
