ഡാലസ്: കേരള അസോസിയേഷന് ഓഫ് ഡാലസും, ഇന്ത്യാ കള്ച്ചറല് ആന്റ് എഡ്യൂക്കേഷന് സെന്ററും സംയുക്തമായി സ്പെല്ലിങ് ബീ ആന്റ് സ്പീച്ച് കോമ്പറ്റീഷന് അസോസിയേഷന് ഓഫീസില് വെച്ചു നടത്തി. ഗ്രേഡ് കെ മുതല് ഗ്രേഡ് 12 വരെ നാലു ഗ്രൂപ്പുകളായാണ് മത്സരം സംഘടിപ്പിച്ചത്. മത്സരങ്ങളില് നിരവധി കുട്ടികള് പങ്കാളികളാവുകയും മികവാര്ന്ന പ്രകടനം കാഴ്ച വെക്കുകയും ചെയ്തു.
കുട്ടികളില് ഭാഷ മികവുറ്റതാക്കാനും ഭാഷ തെറ്റ് കൂടാതെ എഴുതുവാനും ഗ്രഹിക്കുവാനും സഹായിക്കാനാണ് സ്പെല്ലിങ് കോമ്പറ്റീഷനും, പ്രസംഗ മികവ് വര്ധിപ്പിക്കാന് സ്പീച്ച് കോമ്പറ്റീഷനും നടത്തിവരുന്നത്. കുട്ടികള്ക്ക് ഇതിനായുള്ള അവസരം ഉണ്ടാക്കി കൊടുക്കുക എന്ന ലക്ഷ്യത്തോടെയാണ് എല്ലാ വര്ഷങ്ങളിലും കെഎഡി ആന്ഡ്് ഐസിഎഫ്സിയുടെ നേതൃത്വത്തില് സ്പെല്ലിങ് ബീ ആന്റ് സ്പീച്ച് കോമ്പറ്റീഷന് സംഘടിപ്പിക്കുന്നത്. പ്രസ്തുത പരിപാടി കെഎഡി , പ്രസിഡന്റ് ഷിജു എബ്രഹാം സ്വാഗതം പറയുകയും സെക്രട്ടറി മഞ്ജിത്ത് കൈനിക്കര നന്ദി അറിയിക്കുകയും ചെയ്തു. ജഡ്ജസുമാരായി ജെയ്മി വര്ക്കി, സോണിയ തോമസ്, എബിന് മാത്യു എന്നിവര് പ്രവര്ത്തിച്ചു. എഡ്യൂക്കേഷന് ഡയറക്ടര് റുമാന സംജ്ജാദ് കോമ്പറ്റിഷന് പരിപാടി ക്രമീകരിച്ചു. ഐസിഇസി വൈസ് പ്രസിഡന്റ് അനശ്വര് മാമ്പിള്ളി
നെബു കുര്യാക്കോസ് (ഐസിഇസി ട്രഷറര് ), സിജു കൈനിക്കര (കെഎഡി ട്രഷറര് ) അസോസിയേഷന് ഡയറക്ടര്മാരായ , ദീപക് നായര്, ഷിബു ജോണ്, ടെസ്സി മാത്യു എന്നിവര് പങ്കെടുത്തു പ്രവര്ത്തിച്ചു.
സ്പെല്ലിങ് ബീ മത്സരത്തില് ഐഡന് മാത്യു (ഗ്രേഡു K-2), ലൈറ എബ്രഹാം ( ഗ്രേഡുകള് 3-5), അല്സ്റ്റാര് മാമ്പിള്ളി ( ഗ്രേഡുകള് 6-8 ), ഇഷ നായര് (ഗ്രേഡുകള് 9-12 ) എന്നിവര് ഒന്നാം സ്ഥാനവും, എഡ്വേര്ഡ് എബ്രഹാം, ജോനാഥന് ജോസഫ്, ജോനാഥന് ജോസഫ് എന്നിവര് രണ്ടാം സ്ഥാനവും, നഥാന് ബിജു, ജോവാന ചാത്തമ്പാടത്തില്,ജോഹാന് എബ്രഹാം
എന്നിവര് തേര്ഡ് പ്രൈസും നേടി.
പ്രസംഗ മത്സരത്തില് (സ്പീച്ച് കോമ്പറ്റിഷന്) – ഐഡന് മാത്യു (ഗ്രേഡുകള് K-2), അഫ്രീന് ആയിഷ ( ഗ്രേഡുകള് 3-5 ), ഫര്ഹാന് ഫിര്ദൗസ് ( ഗ്രേഡുകള് 6-8 ), ഇഷ നായര് (ഗ്രേഡുകള് 9-12 ) ഒന്നാം സ്ഥാനവും ; വെന്ബ രഞ്ജിത്ത്, നിധീഷ് വര്ഗീസ്, അലന് മാത്യു, സുനിധി വര്ഗീസ് രണ്ടാം സ്ഥാനവും;
ഏഥന് എബ്രഹാം,എഡ്വേര്ഡ് എബ്രഹാം,യാഷ് നായര്,ജോര്ദാന് ജേക്കബ് എന്നിവര് മൂന്നാം സ്ഥാനവും കരസ്ഥമാക്കി.
The Kerala Association of Dallas and the India Cultural and Education Center jointly conducted a spelling bee and speech competition.
