മലയാളിയുടെ മനസ്സിൽ ഗൃഹാതുരത്വത്തിന്റെ പൂക്കാലം തീർക്കുന്ന ഓണം, സ്നേഹത്തിന്റെയും സൗഹൃദത്തിന്റെയും ഐക്യത്തിന്റെയും സമൃദ്ധിയുടെയും സന്ദേശവുമായി വീണ്ടും എത്തുകയാണ്. അന്യനാട്ടിലും മലയാളത്തനിമയും പാരമ്പര്യവും കാത്തുസൂക്ഷിക്കുന്ന മിഷിഗൺ മലയാളി അസോസിയേഷൻ ഈ വർഷത്തെ ഓണാഘോഷം ഓഗസ്റ്റ് 29, ശനിയാഴ്ച 11 മണിക്ക് ഡിട്രോയിറ്റ് സെന്റ് മേരീസ് ക്നാനായ കാത്തലിക് പാരിഷ് ഹാളിൽ വച്ച് (3238 Royal ave. Berkley, MI-48072)ഗാർഡൻ ഫ്രഷ് കഫേ ഒരുക്കുന്ന വിഭവസമൃദ്ധമായ ഓണസദ്യയും വിവിധ കലാപരിപാടികളുമായി നടത്തപ്പെടും.
മലയാളത്തിന്റെ സംസ്കാരവും പാരമ്പര്യവും പുതുതലമുറയിലേക്ക് പകരുന്നതിനും കുടുംബങ്ങളും സുഹൃത്തുക്കളും ഒത്തുചേർന്ന് സ്നേഹവും സന്തോഷവും പങ്കിടുന്നതിനുമുള്ള ഈ മനോഹര അവസരത്തിലേക്ക് മിഷിഗണിലെ എല്ലാ മലയാളികളെയും കുടുംബസമേതം ഹൃദയപൂർവ്വം ക്ഷണിക്കുന്നു.
പ്രവാസത്തിന്റെ തിരക്കുകൾക്കിടയിലും, കഴിഞ്ഞുപോയ ആ നല്ല നാളുകളുടെ മധുരസ്മരണകളുമായി,
സ്നേഹത്തിന്റെ പൂക്കളമൊരുക്കി,
ഒരുമയുടെ ഓണസദ്യയുണ്ണി,
സൗഹൃദത്തിന്റെ നിറച്ചാർത്തണിഞ്ഞ്,
നമുക്കൊരുമിച്ച് ഓണത്തെ വരവേൽക്കാം.
എല്ലാവർക്കും ഹൃദയം നിറഞ്ഞ ഓണാശംസകൾ!
കൂടുതൽ വിവരങ്ങൾക്ക്:
Jais Kannachanparambil- 248-250-2327
Vinod Thomas – 586-770-1294
Thomas George Chachi -215-840-5530
Biju Nochiyil- 517-414-1846
