വാർത്ത: പ്രസാദ് തീയാടിക്കൽ
ന്യൂയോർക്ക്: 50 വയസിന് മുകളിലുള്ളവരിൽ തങ്ങളുടെ മേഖലകളിൽ ശ്രദ്ധേയമായ സ്വാധീനം ചെലുത്തുന്ന വനിതകളെ ആദരിക്കുന്ന Forbes 50 Over 50 – 2026 പട്ടികയിൽ ഏഴ് ഇന്ത്യൻ-അമേരിക്കൻ വനിതകൾ ഇടംനേടി. ജീവിതശൈലി (Lifestyle), സാമൂഹിക സ്വാധീനം (Impact), നവീകരണം (Innovation), നിക്ഷേപം (Investment) എന്നീ നാല് വിഭാഗങ്ങളിലായി തിരഞ്ഞെടുത്ത 200 വനിതകളുടെ പട്ടികയാണ് ഫോർബ്സ് പ്രസിദ്ധീകരിച്ചത്.
Morning Joe സഹ-അവതാരക മികാ ബ്രെസിൻസ്കിയുടെ Know Your Value സംരംഭവുമായി ചേർന്നാണ് ഫോർബ്സ് ആറാം വർഷവും ഈ പട്ടിക തയ്യാറാക്കിയത്. സംരംഭകർ, സിഇഒമാർ, നിക്ഷേപകർ, ജീവകാരുണ്യ പ്രവർത്തകർ, സാമൂഹിക നേതാക്കൾ എന്നിവരാണ് പട്ടികയിൽ ഉൾപ്പെട്ടിരിക്കുന്നത്.
പട്ടികയിൽ ഇടം നേടിയ ഇന്ത്യൻ-അമേരിക്കൻ വനിതകൾ:
കോമൾ ഷാ (56) – Lifestyle
സിലിക്കൺ വാലിയിലെ മുൻ ടെക്നോളജി എക്സിക്യൂട്ടീവായ കോമൾ ഷാ, കലാസമാഹാരവും ജീവകാരുണ്യ പ്രവർത്തനങ്ങളുമാണ് ശ്രദ്ധേയമാക്കിയത്. സ്ത്രീ കലാകാരികളുടെയും വർണവിവേചനത്തിനിരയായ കലാകാരന്മാരുടെയും സൃഷ്ടികൾക്ക് പ്രാധാന്യം നൽകുന്ന Shah Garg Collection ലോകശ്രദ്ധ നേടിയിട്ടുണ്ട്.
ആശാ ജഡേജ മോട്വാനി (63) – Impact
200-ലധികം ടെക് സ്റ്റാർട്ടപ്പുകളിൽ നിക്ഷേപം നടത്തിയ വെഞ്ചർ ക്യാപിറ്റലിസ്റ്റാണ് ആശാ ജഡേജ മോട്വാനി. Google, PayPal, Pinterest തുടങ്ങിയ കമ്പനികളിലെ പ്രാരംഭ നിക്ഷേപങ്ങളിലൂടെ ശ്രദ്ധേയയായ അവർ, അമേരിക്ക-ഇന്ത്യ നവീകരണ ബന്ധം ശക്തിപ്പെടുത്തുന്നതിനും യുവ സംരംഭകരെ പിന്തുണയ്ക്കുന്നതിനും പ്രവർത്തിച്ചുവരുന്നു.
മായ അജ്മേര (59) – Innovation
Society for Science-ന്റെ പ്രസിഡന്റും സിഇഒയുമായ മായ അജ്മേര, ശാസ്ത്ര-സാങ്കേതിക വിദ്യാഭ്യാസ രംഗത്തെ സംഭാവനകൾക്കാണ് ആദരിക്കപ്പെട്ടത്. പിന്നാക്ക വിദ്യാർത്ഥികൾക്കായി STEM വിദ്യാഭ്യാസം വ്യാപിപ്പിക്കുന്ന പദ്ധതികൾക്ക് അവർ നേതൃത്വം നൽകുന്നു.
ഋതു നാരായൺ (53) – Innovation
സ്കൂൾ ഗതാഗത രംഗത്ത് സാങ്കേതിക വിദ്യ കൊണ്ടുവന്ന Zum എന്ന കമ്പനിയുടെ സഹസ്ഥാപകയും സിഇഒയുമായ ഋതു നാരായൺ, കുട്ടികളുടെ സുരക്ഷിത യാത്ര ഉറപ്പാക്കുന്ന ഡിജിറ്റൽ സംവിധാനങ്ങളിലൂടെ ശ്രദ്ധ നേടി. ഇന്ന് അമേരിക്കയിലെ ആയിരക്കണക്കിന് സ്കൂളുകൾ Zum സേവനം ഉപയോഗിക്കുന്നു.
യാമിനി രംഗൻ (53) – Innovation
മാർക്കറ്റിംഗ് സോഫ്റ്റ്വെയർ കമ്പനിയായ HubSpot-ന്റെ സിഇഒയായ യാമിനി രംഗൻ, കമ്പനിയുടെ വരുമാനവും ലാഭവും ഗണ്യമായി ഉയർത്തിയ നേതാവെന്ന നിലയിലാണ് പട്ടികയിൽ ഇടം നേടിയത്.
ശുഭി റാവു (59) – Innovation
സ്ത്രീകളുടെ തൊഴിൽ, ആരോഗ്യം, കുടുംബജീവിതം എന്നിവയുമായി ബന്ധപ്പെട്ട സങ്കീർണ്ണ തീരുമാനങ്ങൾക്ക് കൃത്രിമ ബുദ്ധി (AI) അടിസ്ഥാനമാക്കിയുള്ള പരിഹാരങ്ങൾ നൽകുന്ന Uplevyl എന്ന സ്ഥാപനത്തിന്റെ സ്ഥാപകയും സിഇഒയുമാണ് ശുഭി റാവു.
സവിത സുബ്രഹ്മണ്യൻ (54) – Investment
Bank of Americaയിലെ യു.എസ്. ഇക്വിറ്റി ആൻഡ് ക്വാണ്ടിറ്റേറ്റീവ് സ്ട്രാറ്റജി വിഭാഗത്തിന്റെ മേധാവിയായ സവിത സുബ്രഹ്മണ്യൻ, അമേരിക്കൻ ഓഹരി വിപണിയെക്കുറിച്ചുള്ള കൃത്യമായ വിലയിരുത്തലുകൾക്കും സാമ്പത്തിക വിശകലനങ്ങൾക്കും പ്രശസ്തയാണ്. 2026 ജൂണിൽ ഓഹരി വിപണിയിൽ ജാഗ്രത പാലിക്കണമെന്ന് മുന്നറിയിപ്പ് നൽകിയ അവരുടെ റിപ്പോർട്ട് ദേശീയതലത്തിൽ വലിയ ശ്രദ്ധ നേടിയിരുന്നു.
ഫോർബ്സ് വ്യക്തമാക്കുന്നതനുസരിച്ച്, ആയിരക്കണക്കിന് നാമനിർദേശങ്ങളും സമഗ്രമായ ഗവേഷണവും വസ്തുതാ പരിശോധനയും അടിസ്ഥാനമാക്കിയാണ് 2026 Forbes 50 Over 50 പട്ടിക തയ്യാറാക്കിയിരിക്കുന്നത്. വിവിധ മേഖലകളിൽ 50 വയസിന് ശേഷവും ശ്രദ്ധേയമായ നേതൃത്വവും നവീകരണവും
