റഷ്യ-ചൈന-യുഎസ് ഉച്ച കോടിയെ 1945ലെ യാല്‍റ്റ സമ്മേളനവുമായി താരതമ്യം ചെയ്യേണ്ടെന്ന നിലപാടുമായി റഷ്യ

റഷ്യ-ചൈന-യുഎസ് ഉച്ച കോടിയെ 1945ലെ യാല്‍റ്റ സമ്മേളനവുമായി താരതമ്യം ചെയ്യേണ്ടെന്ന നിലപാടുമായി റഷ്യ

മോസ്‌കോ: റഷ്യ, ചൈന, അമേരിക്ക എന്നീ രാജ്യങ്ങളുടെ നേതാക്കള്‍ ഈ ആഴ്ച നടത്തുന്ന കൂടിക്കാഴ്ചയെ 1945ലെ യാല്‍റ്റ സമ്മേളന വുമായി താരതമ്യം ചെയ്യുന്നത് തള്ളിക്കളഞ്ഞ് റഷ്യ. ഇത്തരം താരതമ്യങ്ങള്‍ രാഷ്ട്രീയ നിരീക്ഷകരുടെ ഭാവനാവിലാസം മാത്രമാണെന്നും യാഥാര്‍ഥ്യവുമായി ബന്ധമില്ലെന്നും  റഷ്യന്‍ വക്താവ് ദിമിത്രി പെസ്‌കോവ് വ്യക്തമാക്കി. ലോകത്തിന്റെ ഭാവി നിര്‍ണയിക്കാന്‍ മൂന്ന് രാജ്യങ്ങള്‍ ഒത്തുചേരുകയാണെന്ന വാദവും അദ്ദേഹം നിരാകരിച്ചു.

ഏഷ്യ-പസഫിക് സാമ്പത്തിക സഹകരണ ഉച്ചകോടിക്കിടെ വ്യാഴാഴ്ച ചൈനയിലെ ഷെന്‍ഷെനിലാണ് റഷ്യന്‍ പ്രസിഡന്റ് വ്‌ലാഡിമിര്‍ പുടിന്‍, ചൈനീസ് പ്രസിഡന്റ് ഷി ജിന്‍പിങ്, യുഎസ് പ്രസിഡന്റ് ഡൊണാള്‍ഡ് ട്രംപ് എന്നിവര്‍ കൂടിക്കാഴ്ച നടത്തുന്നത്. രണ്ടാം ലോക മഹായുദ്ധത്തിന് ശേഷം യൂറോപ്പിന്റെ ഭാവിയും വന്‍ശക്തികളുടെ സ്വാധീന മേഖലകളും നിര്‍ണയിക്കുന്നതില്‍ നിര്‍ണായകമായ 1945ലെ യാല്‍റ്റ സമ്മേളനവുമായി ഈ കൂടിക്കാഴ്ചയെ ചിലര്‍ താരതമ്യം ചെയ്തിരുന്നു. അന്നത്തെ സോവിയറ്റ് യൂണിയന്‍, ബ്രിട്ടന്‍, അമേരിക്ക എന്നീ രാജ്യങ്ങളുടെ നേതാക്കളായിരുന്നു യാല്‍റ്റയില്‍ ചര്‍ച്ചകള്‍ നടത്തിയത്.

എന്നാല്‍, ഇത്തരം താരതമ്യങ്ങള്‍ യാഥാര്‍ഥ്യ ത്തിന് നിരക്കുന്നതല്ലെന്ന് പെസ്‌കോവ് പ്രതികരിച്ചു. റഷ്യയും ചൈനയും ബഹുധ്രുവ ലോകക്രമത്തിനാണ് പിന്തുണ നല്‍കുന്നതെന്നും മറ്റ് രാജ്യങ്ങളുടെ മേല്‍ തീരുമാനങ്ങള്‍ അടിച്ചേല്‍പ്പിക്കുന്ന നിലപാടല്ല ഇരു രാജ്യങ്ങള്‍ക്കു മുള്ളതെന്നും അദ്ദേഹം പറഞ്ഞു. മറ്റാരും തങ്ങളുടെ ഭാവി തീരുമാനിക്കുന്നത് റഷ്യ ആഗ്രഹിക്കുന്നില്ലെന്നും അതുപോലെ മറ്റ് രാജ്യങ്ങളുടെ ഭാവി നിര്‍ണയിക്കാന്‍ റഷ്യ ശ്രമിക്കില്ലെന്നും പെസ്‌കോവ് വ്യക്തമാക്കി.

മൂന്ന് രാജ്യങ്ങളുടെയും നേതാക്കള്‍ തമ്മിലുള്ള വരാനിരിക്കുന്ന ചര്‍ച്ച വളരെ പ്രധാനപ്പെട്ടതാ ണെന്നും ഇതിന് സമാനമായൊരു കൂടിക്കാഴ്ച മുമ്പ് ഉണ്ടായിട്ടില്ലെന്നും പെസ്‌കോവ് വിശേഷിപ്പിച്ചു. ബീജിംഗില്‍  മാധ്യമങ്ങളോട് സംസാരിച്ച ചൈനീസ് വിദേശകാര്യ മന്ത്രാലയ വക്താവ് മാവോ നിങ്, ചൈന, റഷ്യ, അമേരിക്ക എന്നീ രാജ്യങ്ങളുടെ രാഷ്ട്രത്തലവന്മാര്‍ തമ്മിലുള്ള ആദ്യ നേരിട്ടുള്ള കൂടിക്കാഴ്ചയാ യിരിക്കും ഇതെന്ന് അറിയിച്ചു. ചര്‍ച്ചയിലെ വിഷയങ്ങള്‍ സംബന്ധിച്ച് വിശദാംശങ്ങള്‍ വെളിപ്പെടുത്തിയില്ലെങ്കിലും മൂന്ന് നേതാക്കള്‍ക്കുമിടയിലെ ആശയവിനിമയം ശക്തിപ്പെടുത്തുന്നത് പ്രധാനമാണെന്ന് അവര്‍ പറഞ്ഞു.

അഭിപ്രായവ്യത്യാസങ്ങള്‍ കൈകാര്യം ചെയ്യുന്നതിനും രാജ്യങ്ങള്‍ തമ്മിലുള്ള ബന്ധം സുസ്ഥിരമാക്കുന്നതിനും നേതാക്കളുടെ കൂടിക്കാഴ്ച സഹായിക്കുമെന്നും ഇത് മൂന്ന് രാജ്യങ്ങളുടെയും താല്‍പര്യങ്ങള്‍ക്ക് ഗുണകരമാണെന്നും മാവോ നിങ് കൂട്ടിച്ചേര്‍ത്തു. കൂടിക്കാഴ്ചയുടെ ഒരു ഭാഗം മാധ്യമങ്ങള്‍ക്ക് മുന്നില്‍ തുറന്നുകൊടുക്കുമെന്നും ക്രെംലിന്‍ വക്താവ് ദിമിത്രി പെസ്‌കോവ് അറിയിച്ചു.

Russia says Russia-China-US summit should not be compared to 1945 Yalta Conference

Share Email
LATEST excelnclexrn
Top