വാഷിങ്ടണ്‍: അലബാമയിലെ പള്ളിയിലുണ്ടായ വെടിവെപ്പില്‍ രണ്ടുപേര്‍ മരിച്ചു, ഒരാള്‍ക്ക് പരിക്കേറ്റു.
വെസ്റ്റാവിയ ഹില്‍സിലെ സെന്റ്. സ്റ്റീഫന്‍സ് എപിസ്കോപല്‍ പള്ളിയില്‍ വ്യാഴാഴ്ച വൈകീട്ടാണ് സംഭവം. അക്രമിയെ കസ്റ്റഡിയിലെടുത്തതായും പൊലീസ് പറഞ്ഞു. പരിക്കേറ്റയാളെ ആശുപത്രിയില്‍ പ്രവേശിപ്പിച്ചു.
കഴിഞ്ഞ ദിവസം യു.എസിലെ ഫിലാഡല്‍ഫിയയിലും വിര്‍ജീനിയയിലും നടന്ന വെടിവെപ്പില്‍ നാലു പേര്‍ കൊല്ലപ്പെട്ടിരുന്നു. ഫിലഡല്‍ഫിയയില്‍ ശനിയാഴ്ച രാത്രിയുണ്ടായ വെടിവയ്പില്‍ സ്ത്രീ അടക്കം 3 പേരാണു കൊല്ലപ്പെട്ടത്.
സെന്‍ട്രല്‍ വിര്‍ജീനിയയിലെ ചെസ്റ്റര്‍ഫീല്‍ഡില്‍ ബിരുദപാര്‍ട്ടിക്കിടെ നടന്ന വെടിവെപ്പില്‍ ഇരുപതുകാരനാണ് കൊല്ലപ്പെട്ടത്.
