ഒപ്ടിക്കല്‍ ഇല്യൂഷന്‍ ചിത്രങ്ങളും പ്രണയവും വളരെ ചേര്‍ന്നുപോകുന്ന ഒരു കോമ്പനീഷനാണ്. ആരുടെ ഉള്ളിലും പ്രണയത്തിന്റെ വിത്ത് മുളയ്ക്കാം. പക്ഷേ അത് പുറത്തുപറയാന്‍ പലര്‍ക്കും മടിയായിരിക്കും. പക്ഷേ ഈ രഹസ്യങ്ങളൊന്നും ഒപ്ടിക്കല്‍ ഇല്യൂഷന്റെ മുന്നില്‍ വില പോകില്ല. ഏത് രഹസ്യവും ഒപ്ടിക്കല്‍ ചിത്രം കണ്ടെത്തും. അത് മാത്രമല്ല അത് പുറത്തെത്തിക്കുകയും ചെയ്യും.
അത് പലപ്പോഴും നിങ്ങള്‍ക്ക് ഉപകാരപ്പെടുകയും ചെയ്യും. ഇന്നത്തെ ഒപ്ടിക്കല്‍ ചിത്രം ഒരു വെറൈറ്റിയാണ്. പ്രണയത്തെ കുറിച്ചാണ് ഈ ചിത്രം വെളിപ്പെടുത്തുക. പക്ഷേ പ്രണയത്തിലെ നിങ്ങളുടെ വ്യക്തിത്വം ഏത് തരത്തിലാണ് എന്ന് ഈ ചിത്രം പറയും. പക്ഷേ അത് ചില കാര്യങ്ങളെ ആശ്രയിച്ചാണ്.
ഈ ചിത്രത്തില്‍ ആദ്യം എന്ത് കാണുന്നുവോ അതിനനുസരിച്ചിരിക്കും പ്രണയത്തിലെ നിങ്ങളുടെ സ്വഭാവ ഗുണങ്ങള്‍. ഈ ചിത്രം യുക്രൈനിയന്‍ ആര്‍ട്ടിസ്റ്റ് ഒലെക് ഷുപ്ലിയാക്കാണ് വരച്ചത്. നിങ്ങളുടെ സ്വഭാവ സവിശേഷത അളക്കാനുള്ളതാണ് ഈ ചിത്രം. ഒരു ബന്ധത്തില്‍ നിങ്ങള്‍ എങ്ങനെയാണ് പെരുമാറുന്നതെന്ന് ഇതിലൂടെ മനസ്സിലാക്കാന്‍ സാധിക്കും. അവര്‍ തോട്ട്, അവര്‍ സോങ് എന്നാണ് ഈ ചിത്രത്തിന് ഷുപ്ലിയാക്ക് പേരിട്ടത്. ഈ ചിത്രത്തില്‍ ഒരു പെയിന്റര്‍, മീശ വെച്ച ഒരാള്‍, മീശയില്ലാത്ത ഒരാള്‍, മരത്തിനടുത്ത് നില്‍ക്കുന്ന ഒരു സ്ത്രീ, വീടുകള്‍, സംഗീതോപകരണം എന്നിവയും കാണാം.
പെയിന്ററിനെയും അയാളുടെ വരയ്ക്കാനുള്ള സബ്ജക്ടിനെയുമാണ് നിങ്ങള്‍ കാണുന്നതെങ്കില്‍, അതിതീവ്രമായിരിക്കും നിങ്ങളുടെ പ്രണയം. ഒരു പ്രണയബന്ധത്തില്‍ അല്ലെങ്കില്‍ മറ്റുള്ളവരെ അറിയാനാണ് നിങ്ങള്‍ സമയം കൂടുതലായി നല്‍കുക. എന്നാല്‍ ഒരു പ്രണയം വന്നാല്‍, നിങ്ങളുടെ എല്ലാ ഊര്‍ജവും ആ ബന്ധത്തിനായി മാറ്റി വെക്കും. അത്രയ്ക്കും സ്പെഷ്യലായിരിക്കും നിങ്ങള്‍ക്ക് ആ വ്യക്തി. ഇത് ചില സമയങ്ങള്‍ വലിയ സമ്മര്‍ദങ്ങളും നിങ്ങളിലുണ്ടാക്കും. പക്ഷേ നിങ്ങളെ സംബന്ധിച്ച് ഏറ്റവും അനുഭവിക്കുകയും, അത് തിരിച്ച് നല്‍കുകയും ചെയ്യേണ്ടതാണ്.
ഇനി മീശയില്ലാത്തയാളെയാണ് കാണുന്നതെങ്കില്‍ പ്രണയത്തില്‍ വളരെ ഗൗരവകാരനായിരിക്കും നിങ്ങള്‍. അത് മാത്രല്ല ആത്മപരിശോധന നടത്തുന്നയാളുമായിരിക്കും. പലതരത്തിലും വൈകാരിക ഭാവങ്ങള്‍ അനുഭവിച്ചറിയാന്‍ നിങ്ങള്‍ക്ക് പ്രണയബന്ധം അവസരമൊരുക്കും. ഏകാന്ത നിമിഷങ്ങളും നിങ്ങളുടേത് മികച്ചതായിരിക്കും. നിങ്ങളുടെ പങ്കാളിയെ ആശയക്കുഴപ്പത്തിലാക്കുന്നത് നിങ്ങളുടെ ശീലമായിരിക്കും. നിശബ്ദമായി ചിന്തിക്കുന്നയാളാണെങ്കില്‍ നിങ്ങള്‍ക്ക് എല്ലാം ബാലന്‍സ് ചെയ്യാന്‍ സാധിക്കും.
ഇനി മീശ വെച്ചയാളെയാണ് കാണുന്നതെങ്കില്‍ പ്രണയത്തില്‍ വീട്ടുകാരനെ പോലെയായിരിക്കും നിങ്ങള്‍. ഒരു റിലേഷന്‍ഷിപ്പില്‍ അല്ലാത്തപ്പോള്‍ ഒരിടത്ത് പിടിച്ച് നിര്‍ത്താതിരിക്കുന്നത് നിങ്ങള്‍ ഇഷ്ടപ്പെടുന്നുണ്ടാവും. എന്നാല്‍ ഒരാളെ ജീവിതത്തില്‍ നിങ്ങള്‍ കണ്ടെത്തിയാല്‍, കുടുംബത്തിന്റെ പ്രാധാന്യം നിങ്ങള്‍ക്ക് മനസ്സിലാവും. അതാണ് ജീവിതത്തിന് ആധാരമെന്നും മനസ്സിലാവും. അതിനര്‍ഥം വീട് വിട്ട് പോകരുതെന്നല്ല. ചില സമയത്ത് വീട്ടില്‍ തന്നെയാവുന്നത് നിങ്ങളെ വല്ലാതെ സാന്ത്വനിപ്പിക്കും.
മരത്തിനടുത്ത് ഒരു സ്ത്രീ നില്‍ക്കുന്നതാണ് കാണുന്നതെങ്കില്‍ ഭൗതികമായ കാര്യങ്ങള്‍ക്കായിരിക്കും നിങ്ങള്‍ കൂടുതല്‍ താല്‍പര്യം കാണിക്കുക. നിങ്ങളുടെ ജീവിതത്തിലെ ആവേശങ്ങള്‍ പങ്കാളിയുമായി പങ്കുവെക്കാന്‍ താല്‍പര്യപ്പെടും. എന്നാല്‍ വല്ലാതെ അതില്‍ വീണുപോകാതിരിക്കാന്‍ ശ്രമിക്കണം.
വീടുകളാണ് കാണുന്നതെങ്കില്‍ ഭാവിയെ കുറിച്ച് ഒരുപാട് ചിന്തിക്കുന്നവരായിരിക്കും. ഒരുപാട് പ്ലാന്‍ ചെയ്ത് കാര്യങ്ങള്‍ നടപ്പാക്കുന്ന ശീലമുണ്ടാവില്ല. എന്നാല്‍ പ്രണയ ബന്ധത്തില്‍ വീണാല്‍ ഭാവിയെ കുറിച്ച് ചിന്തിക്കാന്‍ നിങ്ങള്‍ നിര്‍ബന്ധിതനാവും. ഒരുപാട് മുന്നേ പ്ലാന്‍ ചെയ്ത് കാര്യങ്ങള്‍ ചെയ്യാന്‍ ആഗ്രഹമുണ്ടാവും.
സംഗീതോപകരണമാണ് കാണുന്നതെങ്കില്‍ ഒരു ബന്ധത്തില്‍ നിങ്ങള്‍ വളരെ ക്രിയേറ്റീവായിരിക്കും. കലാപരമായ നിങ്ങളുടെ കഴിവിനെ അംഗീകരിക്കുന്നതും അഭിനന്ദിക്കുന്നതും നിങ്ങള്‍ ആസ്വദിക്കും. പുതിയ കാര്യങ്ങളെ അഭിനന്ദിക്കുന്നതും നിങ്ങള്‍ക്ക് ഇഷ്ടപ്പെടും. കലയോ സാഹിത്യമോ നിങ്ങള്‍ ആസ്വദിക്കും. അത് നിങ്ങളുടെ ഇഷ്ട കാര്യമല്ലെങ്കില്‍ കൂടി ഒരു പ്രണയബന്ധത്തില്‍ നിങ്ങളുടെ പ്രിയ കാര്യമായി ഇതെല്ലാം മാറും.
