കരുതലിൻ തുണയാകും വൃദ്ധ ജനങ്ങളും
കണ്ണുനീരിന്റെ കൈപ്പുനീർ നുണയുന്നു
കദനഭാരത്തിന്റെ മുൾവേലി തീർക്കുമീ
കാവൽ വിളക്കായി
നന്മതൻ വെട്ടവും
കരുണ കാട്ടുന്ന സ്നേഹ ബിംബങ്ങളായ്
കാലമേറെ വിരാജിച്ച തേങ്ങലാൽ
കൺകളിൽ ഉതിരുന്ന
ദുഃഖസ്മരണയിൽ
കനിവിന്റെ ഗതിപോലെ
ഒഴുകുന്നതെപ്പൊഴും
കർമ്മകാണ്ഡത്തിന്റെ
അഷ്ടദിക്പാലകർ
കളരി വിളക്കിന്റെ നാളത്തിനൊപ്പമായ്
കാലങ്ങൾ എത്ര കടന്നുപോയാലുമീ
കാനനമർമ്മരം ശംഖൊലി നാദമായ്
കുടുംബത്തിനെപ്പൊഴും താങ്ങായി തണലായി
കാതലായ് എരിയുന്ന
വന്ദ്യവയോധികർ
കരയാതെ കാക്കണം
മനസ്സിന്റെ കോണിലായ്
കാണാം നമുക്കിനി കാരുണ്യസ്പർശമായി
കാണാം നമുക്കിനി
സ്നേഹതനിമയിൽ
കാണാം നമുക്കിനി നേർകാഴ്ച്ച പോലെയായ്.
ചന്ദ്രശേഖരൻപിള്ള. ബി (9447104712)