നിർമ്മല ശുദ്ധിയാൽ ഭൂജാതനായൊരു
നിത്യവിശുദ്ധനാം യേശുനാഥാ
നസ്രത്തിൽ തേജസുയർത്തിയ നാഥാ
നല്ലിളം പൈതലായ് പുൽക്കൂട്ടിലും
നന്മയെ ചേർത്തു നയിച്ചൊരു നാഥാ
നിറദീപമായെത്തിയ നാഥാ
നിന്നുടെ സ്തുതിഗീതം പാടുന്ന ഞങ്ങളിൽ
നേർമണിമുത്തായ നാഥാ
നാദപ്രപഞ്ചത്തിലലയൊലി പോലെയെൻ
നറുമണം വീശുന്നു പാരിലെങ്ങും
നിർവൃതിമനസ്സിലലിഞ്ഞൊരു ദേവാ
നിഷ്കാമ കർമ്മിയാം നാഥാ
നീതിക്കുവേണ്ടി ത്യജിച്ചൊരു നാഥാ
നിറദീപമാകുന്ന നാഥാ
നിൻനിലാവെട്ട വിശുദ്ധിയാം ഞങ്ങളിൽ
നിന്നുടെ നാമം ലോകസൗഭാഗ്യമായ്
നീതിമാനെ പോലെ
–ചന്ദ്രശേഖരൻപിള്ള. ബി [9447104712]
