Sunday, March 3, 2024

HomeNewsIndia500 പുതിയ വിമാനങ്ങള്‍: 82 ലക്ഷം കോടിയുടെ കരാറില്‍ ഒപ്പുവെച്ച്‌ എയര്‍ ഇന്‍ഡ്യ

500 പുതിയ വിമാനങ്ങള്‍: 82 ലക്ഷം കോടിയുടെ കരാറില്‍ ഒപ്പുവെച്ച്‌ എയര്‍ ഇന്‍ഡ്യ

spot_img
spot_img

ന്യൂഡെല്‍ഹി:  500 പുതിയ വിമാനങ്ങള്‍ വാങ്ങാനുള്ള 82 ലക്ഷം കോടിയുടെ കരാറില്‍ എയര്‍ ഇന്‍ഡ്യ ഒപ്പുവെച്ചു. 100 ബില്യന്‍ യുഎസ് ഡോളറിലേറെ ചെലവിട്ടാണ് വിമാനങ്ങള്‍ വാങ്ങുന്നതെന്ന് വാര്‍ത്താ ഏജന്‍സിയായ റോയിടേഴ്‌സ് റിപോര്‍ട് ചെയ്തു. ടാറ്റായുടെ ഉടമസ്ഥതയിലേക്ക് തിരിച്ചെത്തിയ എയര്‍ ഇന്‍ഡ്യയുടെ ഏറ്റവും വലിയ ഓര്‍ഡറായി മാറിയേക്കാം ഇത്.

ഫ്രാന്‍സിന്റെ എയര്‍ബസും എതിരാളികളായ വിമാന നിര്‍മാതാക്കളായ ബോയിംഗും തമ്മില്‍ തുല്യമായി വിഭജിക്കപ്പെട്ട ഈ കരാറിനെ കുറിച്ച്‌ ഡിസംബറില്‍ തന്നെ റിപോര്‍ടുകളുണ്ടായിരുന്നു. എയര്‍ ഇന്‍ഡ്യ 250 എയര്‍ബസ് വിമാനങ്ങളും, 210 സിംഗിള്‍-ഇടനാഴി A320 വിമാനങ്ങളും 40 വൈഡ്‌ബോഡി A350 വാങ്ങുമെന്നാണ് റിപോര്‍ട്.

എയര്‍ബസും എയര്‍ ഇന്‍ഡ്യയും കരാറില്‍ ഒപ്പുവെച്ചപ്പോള്‍, ജനുവരി 27 ന് ബോയിംഗ് എയര്‍ലൈനുമായുള്ള കരാറില്‍ ഒപ്പുവെച്ചിരുന്നു, കേന്ദ്രത്തിന്റെ ഉടമസ്ഥതയില്‍ നിന്നും എയര്‍ ഇന്‍ഡ്യയെ ടാറ്റ വീണ്ടെടുത്തിട്ട് ഒരു വര്‍ഷം പൂര്‍ത്തിയാക്കിയ അവസരത്തിലാണ് പുതിയ കരാറുകള്‍. എന്നാല്‍ ഈ കരാറിനെ കുറിച്ച്‌ എയര്‍ ഇന്‍ഡ്യയോ എയര്‍ബസോ പ്രതികരിച്ചിട്ടില്ല.

ഇന്‍ഡിഗോ, സ്പൈസ്ജെറ്റ്, എയര്‍ഏഷ്യ ഇന്‍ഡ്യ എന്നിവയുള്‍പെടെ കുറഞ്ഞ നിരക്കിലുള്ള വിമാനക്കംപനികളാണ് ആഭ്യന്തര വ്യോമയാന രംഗത്ത് ആധിപത്യം പുലര്‍ത്തുന്നത്, അവയില്‍ ഭൂരിഭാഗവും എയര്‍ബസ് നാരോബോഡി വിമാനങ്ങള്‍ ആണ് പ്രവര്‍ത്തിപ്പിക്കുന്നത്. 

spot_img
RELATED ARTICLES
- Advertisment -spot_img

Most Popular

Recent Comments