ഭുവനേശ്വര്: ഒഡീഷയിലെ ബാലസോറിലുണ്ടായ ട്രെയിൻ അപകടവുമായി ബന്ധപ്പെട്ട അന്വേഷണം പുരോഗമിക്കുന്നതിനിടെ റെയില്വെ ജൂനിയര് എഞ്ചിനീയറുടെ വീട് സി.ബി.ഐ സീല് ചെയ്തു.
സിഗ്നലിങ് ജൂനിയര് എഞ്ചിനീയര് അമീര് ഖാന് താമസിച്ചിരുന്ന വാടക വീടാണ് സീല് ചെയ്തത്.
സി.ബി.ഐ സംഘം തിങ്കളാഴ്ച അമീര് ഖാന്റെ വീട്ടിലെത്തിയപ്പോള് വീട് പൂട്ടിക്കിടക്കുകയായിരുന്നു. അമീര് ഖാനോ കുടുംബമോ വീട്ടിലുണ്ടായിരുന്നില്ല. തുടര്ന്ന് സി.ബി.ഐ സംഘം വീട് സീല് ചെയ്യുകയായിരുന്നു. അമീര് ഖാനെ സി.ബി.ഐ നേരത്തെ ചോദ്യംചെയ്തതായി സൂചനയുണ്ട്.
ബാലസോറിലുണ്ടായ ട്രെയിൻ അപകടത്തില് 292 പേരാണ് മരിച്ചത്. 287 പേര് സംഭവ സ്ഥലത്തും അഞ്ചു പേര് ആശുപത്രിയില് ചികിത്സയ്ക്കിടെയുമാണ് മരിച്ചത്. 1208 പേര്ക്ക് പരിക്കേറ്റു. ജൂണ് രണ്ടിനാണ് രാജ്യത്തെ നടുക്കിയ ട്രെയിന് ദുരന്തമുണ്ടായത്.