കൊച്ചി: ബ്രഹ്മപുരം തീപിടുത്തം പൊലീസ് റിപ്പോര്‍ട്ട് അനുകൂലമാക്കി മുഖ്യമന്ത്രിയും മന്ത്രിമാരും കരാറുകാരനെ സംരക്ഷിക്കുന്നു എന്ന് പ്രതിപക്ഷ നേതാവ് വി ഡി സതീശന്‍.
പൊലീസ് ഇങ്ങനയേ റിപ്പോര്‍ട്ട് നല്‍കൂ. സ്വാഭാവികമായി തീപിടിച്ചതാണെന്ന് ആദ്യം മുഖ്യമന്ത്രി വാര്‍ത്താക്കുറിപ്പ് ഇറക്കിയിരുന്നു. ഇത് അന്വേഷണത്തെ സ്വാധീനിച്ചിട്ടുണ്ട്.
കരാറുകാരനെ മുഖ്യമന്ത്രി ഒക്കത്തെടുത്തു നടക്കുന്നു. മാലിന്യം എത്ര ലോഡ് നീക്കം ചെയ്തു എന്നതിന് തെളിവില്ല. തെളിവ് നശിപ്പിക്കാനാണ് മാലിന്യം കത്തിച്ച്‌ കളഞ്ഞത്. പോലീസ് പ്രാഥമിക റിപ്പോര്‍ട്ട് നല്‍കാന്‍ കാലതാമസം എടുത്തത് 26 ദിവസമാണെന്നും കരാറുകാരനെ രക്ഷിക്കാനാണ് ശ്രമമെന്നും പ്രതിപക്ഷ നേതാവ് ആരോപിച്ചു.
