Sunday, May 19, 2024

HomeUS Malayaleeതിരക്ക് വര്‍ധിച്ചു; അവധിക്കു പോയ ജീവനക്കാരെ അമേരിക്കന്‍ എയര്‍ലൈന്‍സ് തിരിച്ചു വിളിച്ചു

തിരക്ക് വര്‍ധിച്ചു; അവധിക്കു പോയ ജീവനക്കാരെ അമേരിക്കന്‍ എയര്‍ലൈന്‍സ് തിരിച്ചു വിളിച്ചു

spot_img
spot_img

ബാബു പി സൈമണ്‍

ഡാളസ് : വിമാന യാത്രക്കാരുടെ തിരക്ക് വര്‍ദ്ധിച്ചതിനാല്‍ ജോലിയില്‍നിന്ന് നീണ്ട അവധി എടുത്തു പോയ ജീവനക്കാരെ തിരിച്ചുവിളിച്ചു കൊണ്ടുള്ള ഉത്തരവ് അമേരിക്കന്‍ എയര്‍ലൈന്‍സ് ജൂലൈ 16ന് പുറത്തിറക്കി. ഏകദേശം 3,300 ജീവനക്കാര്‍ക്കാണ് അവധി അവസാനിപ്പിച്ചുകൊണ്ട് ജോലിയില്‍ പ്രവേശിക്കണം എന്ന ഉത്തരവ് ലഭിച്ചത് .

നവംബര്‍ ,ഡിസംബര്‍ മാസങ്ങളിലായി എല്ലാവരും പൂര്‍ണമായും ജോലിയില്‍ തിരിച്ചു പ്രവേശിക്കണം എന്ന് ഉത്തരവില്‍ പറയുന്നു. പകുതിയിലധികം ജോലിക്കാരും അവധിക്ക് പോയിട്ട് ദീര്‍ഘകാലം ആയതുകൊണ്ട് അവര്‍ക്ക് വീണ്ടും പരിശീലനം നല്‍കേണ്ടതായി വരും എന്ന് എയര്‍ലൈന്‍സ് അധികൃതര്‍ അറിയിച്ചു.

ഈ വര്‍ഷം അവസാനത്തോടെ പുതിയ ചില വിമാന സര്‍വ്വീസുകള്‍ ആരംഭിക്കുന്നതിനാല്‍ ആണ് കൂടുതല്‍ ജോലിക്കാരെ ആവശ്യമായി വന്നിരിക്കുന്നത് എന്ന് അമേരിക്കന്‍ എയര്‍ലൈന്‍സ് സര്‍വീസ് വൈസ് പ്രസിഡന്‍റ് ബ്രേഡീ ബ്രൈന്‍സ് വെളിപ്പെടുത്തി .

2022 മാര്‍ച്ച് മാസത്തിന് മുമ്പായി എണ്ണൂറിലധികം ജോലിക്കാരെ കൂടെ കണ്ടെത്തേണ്ടതുണ്ട് എന്ന് ബ്രേഡീ വ്യക്തമാക്കി. ജോലിക്കാരുടെ ക്ഷാമം കാരണം നൂറുകണക്കിന് വിമാനസര്‍വീസുകള്‍ ജൂലൈ മാസം തടസ്സപ്പെട്ടിരുന്നു അമേരിക്കന്‍ എയര്‍ലൈന്‍സ് അറിയിച്ചിരുന്നു.

spot_img
RELATED ARTICLES
- Advertisment -spot_img

Most Popular

Recent Comments