അനശ്വരം മാമ്പിള്ളി
ഡാളസ് : നീണ്ട 25 വർഷത്തിനു ശേഷം ബാംഗ്ലൂർ, സെന്റ്. ജോൺസ് സ്കൂൾ ഓഫ് നഴ്സിംഗ് പൂർവ്വ വിദ്യാർത്ഥി 97 ബാച്ച് സ്നേഹസംഗമായി ഡാളസിൽ ഒത്തു ചേർന്നു. സൗഹൃദം പെയ്തിറങ്ങിയതും സന്തോഷം പരന്നൊഴുകിയതുമായ ഈ സ്‌നേഹസംഗമത്തിൽ അമേരിക്ക-യു. കെ, കാനഡ മേഖലകളില്‍ നിന്നുമുള്ള സുഹൃത്തുക്കളാണ് എത്തിച്ചേര്‍ന്നത്. കട്ടൻ ചായ നുകര്‍ന്ന് കപ്പയും മുളകരച്ചതും കഴിച്ച് സൗഹൃദം പങ്കുവച്ചും പാട്ടു പാടിയും.
സഹപാഠികളോടൊത്തുള്ള പഠനകാലവും ആ നല്ല സ്മരണകളുടെ പച്ചപ്പും പങ്കു വെക്കുകയുണ്ടായി. ഡാളസ് കേന്ദ്രീകരിച്ചു നടത്തിയ ഈ സംഗമം നിഷ ജോസ്, ദീപ ജെയ്സൺ, എയ്ഞ്ചൽ ജ്യോതി എന്നിവർ കോർഡിനേറ്റ് ചെയ്തു. വിവിധ സ്ഥലങ്ങളിൽ നിന്നും വന്ന സുഹൃത്തുക്കൾ ആ കാലത്തെ നല്ല ഓർമ്മകൾ ഒരിക്കൽ കൂടി അയവിറക്കി ചിരിച്ചുല്ലസിച്ചു അവരവരുടെ തുരുത്തുകളിലേക്ക് യാത്ര. ഫ്ലോറിഡയിൽ അടുത്ത സ്നേഹ സംഗമത്തിന് കാണാം മെന്ന പ്രതീക്ഷയോടെ എല്ലാ വരും യാത്ര പറഞ്ഞു മടങ്ങി.
