വിദേശയാത്ര ചെയ്യുന്നവർക്ക് അതീവ പ്രധാനപ്പെട്ട രേഖയാണ് പാസ്പോർട്ട്. അത് നഷ്ടപ്പെടുന്നത് ഒരാൾക്ക് ഭീതിജനകമായ അനുഭവമായേക്കാം. യാത്ര മുടങ്ങുക, വിമാനങ്ങൾ നഷ്ടപ്പെടുക, സാമ്പത്തികനഷ്ടങ്ങൾ എന്നിവ ഇതിന് പിന്നാലെ ഉണ്ടാകാം. എന്നാൽ പ്രശ്നം പറ്റിയാലും പേടിക്കാതെ കൃത്യമായ നടപടികൾ സ്വീകരിച്ചാൽ പ്രശ്നങ്ങൾ അതിജീവിക്കാനാകും.
ഇത് സംബന്ധിച്ച് വിദേശത്ത് പാസ്പോർട്ട് നഷ്ടമായാൽ എടുക്കേണ്ട പ്രധാനപ്പെട്ട ചില ഘട്ടങ്ങൾ ഇവയാണ്:
🔹 1. അടുത്തുള്ള പൊലീസിൽ ഉടൻ പരാതി നൽകുക
പാസ്പോർട്ട് നഷ്ടപ്പെട്ട ഉടനെ തന്നെ അടുത്ത പൊലിസ് സ്റ്റേഷനിൽ പരാതി നൽകുക. പൊലിസ് റിപ്പോർട്ട് നിങ്ങളുടെ പുതിയ പാസ്പോർട്ടിനും ഇൻഷുറൻസ് ക്ലെയിമിനും ആവശ്യമായ പ്രഥമ രേഖയാണ്
.
🔹 2. ഇന്ത്യൻ എംബസിയെ ബന്ധപ്പെടുക
പൊലീസ് റിപ്പോർട്ട് ലഭിച്ചതിന് ശേഷം, അതത് രാജ്യത്തെ ഇന്ത്യൻ എംബസി അല്ലെങ്കിൽ കോൺസുലേറ്റുമായി ഉടൻ ബന്ധപ്പെടണം. അവിടുത്തെ സഹായത്തോടെ അടിയന്തിര സർട്ടിഫിക്കറ്റുകൾ ലഭ്യമാക്കാം.
🔹 3. എമർജൻസി സർട്ടിഫിക്കറ്റിനോ പുത്തൻ പാസ്പോർട്ടിനോ അപേക്ഷിക്കുക
നിങ്ങളുടെ മടക്കയാത്ര ഉറപ്പാക്കാൻ എംബസി എമർജൻസി സർട്ടിഫിക്കറ്റ് നൽകുന്നു. ഇത് താൽക്കാലിക പാസ്പോർട്ടിന്റെ ഒരു രൂപമാണ്, ഇന്ത്യയിലേക്ക് മടങ്ങാൻ മാത്രമായി ഉപയോഗിക്കാം.
🔹 4. വീസ റീഇഷ്യു ചെയ്യുക
നഷ്ടപ്പെട്ട പാസ്പോർട്ടിൽ വീസ സ്റ്റാംപ് ചെയ്തതാണെങ്കിൽ, അതത് രാജ്യത്തിന്റെ എംബസിയിൽ നിന്ന് വീണ്ടും വീസ നേടേണ്ടതുണ്ട്. ഇതിനും പൊലിസ് റിപ്പോർട്ട് നിർബന്ധമാണ്.
🔹 5. ഫ്ലൈറ്റ് റി-ഷെഡ്യൂൾ ചെയ്യുക
പാസ്പോർട്ടില്ലാതെ യാത്ര തുടരാനാകില്ല. അതുകൊണ്ട് തന്നെ നിങ്ങളുടെ എയർലൈൻ കമ്പനിയെ വിവരം അറിയിച്ച് ഫ്ലൈറ്റ് മാറ്റം അഭ്യർത്ഥിക്കുക. റിയിലും റീബുക്കിംഗിനും ചില എയർലൈൻസുകൾ ഇളവുകൾ നൽകാറുണ്ട്.
🔹 6. യാത്രാ ഇൻഷുറൻസ് ഉണ്ടെങ്കിൽ അത് ഉപയോഗപ്പെടുത്തുക
നിങ്ങൾക്ക് ട്രാവൽ ഇൻഷുറൻസ് എടുത്തിട്ടുണ്ടെങ്കിൽ, നഷ്ടപ്പെട്ട പാസ്പോർട്ട് സംബന്ധിച്ച ചെലവുകൾ (വീസ, ടിക്കറ്റ് മാറ്റം, ഹോട്ടൽ തങ്ങൽ തുടങ്ങിയവ) അതിൽ നിന്ന് കവർ ചെയ്യാൻ കഴിയും. ഇതിനായി എല്ലാ രേഖകളും ഇൻഷുറൻസ് പ്രൊവൈഡറിന് സമർപ്പിക്കേണ്ടതുണ്ട്.
പാസ്പോർട്ട് പോലെയുള്ള പ്രധാനപ്പെട്ട രേഖകളെക്കുറിച്ച് മുൻകരുതലുകൾ എടുക്കുകയും, യാത്രക്കിടയിൽ അവയുടെ സ്കാൻ പതിപ്പുകൾ ഇമെയിലിലോ ക്ലൗഡിലോ സൂക്ഷിക്കുകയും ചെയ്യുക അത്യന്താപേക്ഷിതം. ദുരന്തമാകാനാകുന്ന സാഹചര്യം, ശാന്തതയോടെ കൈകാര്യം ചെയ്യാൻ ഇതൊക്കെ സഹായിക്കും.
Lost Your Passport in a Foreign Country? You’re Not Alone; 6 Important Steps to Take
