തിരുവനന്തപുരം കാാപ്പാക്കേസില് ബിജെപി അംഗം ജയിലിലായതിനു പിന്നാലെ കോര്പ്പറേഷനില് അവിശ്വാസ നീക്കവുമായി യുഡിഎഫ്
സത്യപ്രതിജ്ഞാ വിവാദങ്ങള്ക്കിടെ തിരുവനന്തപുരം കോര്പ്പറേഷനില് അവിശ്വാസ പ്രമേയം കൊണ്ടു വരാനാണ് യുഡിഎഫ് നീക്കം. ഇന്നു വൈകീട്ടു ചേരുന്ന പാര്ലമെന്ററി പാര്ട്ടി യോഗം ഇക്കാര്യത്തില് തീരുമാനമെടുക്കും. കോണ്ഗ്രസിന്റെ അവിശ്വാസ നീക്കത്തില് ഇടതുപക്ഷത്തിന്റെ തീരുമാനം നിര്ണായകമാണ്.
101 അംഗ കോര്പറേഷനില് ബിജെപിക്ക് 50 സീറ്റാണുള്ളത്. ഒരു സ്വതന്ത്രന്റെ പിന്തുണയോടെയാണ് ബിജെപി ഭരണം നടത്തുന്നത്. എല്ഡിഎഫിന് 29 സീറ്റും യുഡിഎഫിന് 20 സീറ്റുമാണ് നഗരസഭയിലുള്ളത്. ബിജെപി കൗണ്സിലര് ആര്.സുഗതന് കാപ്പ കേസില് ജയിലിലാണ്. ഈ സാഹചര്യത്തില് യുഡിഎഫും എല്ഡിഎഫും യുഡിഎഫ് വിമതനും ഒത്തുചേര്ന്നാണ് ഭരണപക്ഷത്തിനെതിരെ 50 പേരാകും.
പ്രതിപക്ഷം അവിശ്വാസം അവതരിപ്പിച്ചാല് അതു നേരിടുമെന്ന് ബിജെപി നേതാവും മേയറുമായ വി വി രാജേഷ് പ്രതികരിച്ചു. തിരുവനന്തപുരം കോര്പ്പറേഷനില് അഞ്ചു വര്ഷത്തേക്ക് ബിജെപി സേഫ് ആണെന്നും മേയര് പറഞ്ഞു. ഈ മാസം 29 ന് കൗണ്സില് യോഗം നടക്കും. ജയിലിലുള്ള ബിജെപി കൗണ്സിലര് സുഗതന്റെ ജാമ്യത്തിനായി കോടതിയെ സമീപിക്കുമെന്നും മേയര് പറഞ്ഞു. മേയര് ഓഫീസില് വരുന്നത് തടയുന്നത്, ജനങ്ങളെ ബുദ്ധിമുട്ടിക്കലാണെന്നും വി വി രാജേഷ് കൂട്ടിച്ചേര്ത്തു.
UDF moves for a no-confidence motion in the Corporation following the imprisonment of a BJP member under the KAAPA Act.
