മുഖ്യമന്ത്രിയെയും ആഭ്യന്തരമന്ത്രിയേയും ടാഗ് ചെയ്ത് അൻസിബ, ‘സ്ത്രീത്വത്തെ അപമാനിക്കുന്നതിനെ അളക്കുന്നത് ഏത് തുലാസിൽ’; നീതി തേടി ഏതറ്റം വരെയും പോകും

കൊച്ചി: ടിനി ടോമിനെതിരായ കേസിലടക്കം പൊലീസ് നടപടികൾ വൈകുന്നതിൽ രൂക്ഷവിമർശനവുമായി നടി അൻസിബ ഹസ്സൻ. സ്ത്രീത്വത്തെ അപമാനിക്കുന്നതിനെ ഏത് തുലാസിലാണ് അളക്കുന്നതെന്ന് അധികാരികൾ വ്യക്തമാക്കണമെന്ന് അൻസിബ സോഷ്യൽ മീഡിയ കുറിപ്പിലൂടെ ആവശ്യപ്പെട്ടു. മുഖ്യമന്ത്രി വി ഡി സതീശനെയും ആഭ്യന്തരമന്ത്രി രമേശ് ചെന്നിത്തലയെയും ടാഗ് ചെയ്തുകൊണ്ടാണ് അൻസിബ സമൂഹമാധ്യമങ്ങളിൽ പ്രതികരണം കുറിച്ചതെന്നത് ശ്രദ്ധേയമായി. നീതി ലഭിക്കുന്നതിനായി ഏതറ്റം വരെയും പോകുമെന്നും തന്റെ സ്ത്രീത്വത്തെയും വ്യക്തിത്വത്തെയും അപമാനിക്കുന്ന നടപടിയാണ് ഉണ്ടായതെന്നും അൻസിബ വ്യക്തമാക്കി. മുൻപ് പരാതി നൽകിയപ്പോൾ പോലീസിന്റെ ഭാഗത്തുനിന്നുണ്ടായ നിഷ്ക്രിയമായ സമീപനം തന്നെയാണ് ഇപ്പോഴും തുടരുന്നതെന്ന് അവർ ആരോപിച്ചു. അധികാരികൾ കാണുന്ന സ്ത്രീകൾക്ക് ഇത്തരം കാര്യങ്ങൾ അപമാനമായി തോന്നുന്നില്ലെങ്കിൽ ക്ഷമ ചോദിക്കുന്നുവെന്നും അൻസിബ പോസ്റ്റിൽ കുറിച്ചു. നടൻ ടിനി ടോമിനെതിരെ നൽകിയ പരാതിയിൽ പോലീസ് നടപടികൾ വൈകുന്ന പശ്ചാത്തലത്തിലാണ് താരത്തിന്റെ നിർണായക പ്രതികരണം.