കൊച്ചി: മുത്തങ്ങ സമരത്തിനിടെ പൊലീസുകാരനെ വധിക്കാന് ശ്രമിച്ചെന്ന കേസില് ഗീതാനന്ദന് അടക്കമുള്ളവരുടെ ശിക്ഷ ഹൈക്കോടതി മരവിപ്പിച്ചു. ശിക്ഷാ വിധിക്കെതിരെ ഒന്നാം പ്രതി ഗീതാനന്ദന്, മൂന്നാം പ്രതി ബിനു, അഞ്ചാം പ്രതി രമേശന്, 11-ാം പ്രതി അനില്കുമാര് എന്നിവര് നല്കിയ അപ്പീല് പരിഗണിച്ചാണ് കോടതി നടപടി. പ്രതികള്ക്ക് അഞ്ച് വര്ഷം ശിക്ഷയാണ് കല്പ്പറ്റ സെഷന്സ് കോടതി വിധിച്ചിരുന്നത്.
കേസിലെ നാല് പ്രതികളുടെയും ശിക്ഷ താല്ക്കാലികമായിട്ടാണ് മരവിപ്പിച്ചിരിക്കുന്നത്. ഓരോരുത്തരും 46,000 രൂപ കെട്ടിവയ്ക്കണമെന്നും കോടതി നിര്ദ്ദേശിച്ചിട്ടുണ്ട്.
2003 ഫെബ്രുവരി 19നാണ് മുത്തങ്ങ വന്യജീവി സങ്കേതത്തിലെ ഭൂമി കൈയേറിയ ആദിവാസികളെ ഒഴിപ്പിക്കുന്നതിന്റെ ഭാഗമായി ഉണ്ടായ സംഘര്ഷത്തിനിടെ കെ.വി വിനോദ് എന്ന പൊലീസുകാരന് കൊല്ലപ്പെട്ടത്.
Case involving the attempted murder of a police officer at Muthanga; High Court suspends the sentences of the accused, including M. Geethanandan.
