തിരുവനന്തപുരം: മുഖ്യമന്ത്രി വി.ഡി സതീശന് അടക്കമുള്ളവരെ പ്രതിരോധത്തിലാക്കി സിഎംആര്എല് മാസപ്പടി ഡയറിയുടെ പേജ് എന്ന് അവകാശപ്പെട്ട് രേഖ പുറത്തുവിട്ട് ബിജെപി നേതാവ് ഷോണ് ജോര്ജ്. മാസപ്പടി കേസുമായി ബന്ധപ്പെട്ട് വിവാദ കമ്പനിയുടെ എംഡിയില് നിന്ന് പിടിച്ചെടുത്ത ഡയറിയുടെ പേജ് എന്ന പേരില് ഫെയ്സ്ബുക്കിലാണ് ഷോണ് ജോര്ജ് രേഖ പങ്കുവെച്ചിരിക്കുന്നത്. ഡയറിയുടെ പേജ് എസ്എഫ്ഐഒ കോടതിയില് സമര്പ്പിച്ച രേഖയെന്നാണ് ഷോണ് ജോര്ജ് ആരോപിക്കുന്നത്.
‘എന്തുകൊണ്ട് വിജിലന്സ് അന്വേഷണം ഇല്ല? ഈ പേജിലെ കണക്കുകള് പല ചോദ്യങ്ങള്ക്കും മറുപടി നല്കുന്നതാണ്. വിവാദ കമ്പനിയുടെ മാനേജിംഗ് ഡയറക്ടറില് നിന്ന് പിടിച്ചെടുത്ത ഡയറിയിലെ എന്ട്രികളില് ഒരു പേജ് ആണ് ഇത് , എസ്എഫ്ഐഒ കുറ്റപത്രത്തില് കോടതിയില് സമര്പ്പിച്ച രേഖകളില് ഒന്ന്’- ഡയറിയുടെ പേജ് സഹിതമുള്ള ഫെയ്സ്ബുക്ക് കുറിപ്പില് ഷോണ് ജോര്ജ് ആരോപിക്കുന്നത്.
പിണറായി വിജയന്, ചെന്നിത്തല, ഹൈബി ഈഡന്, കെ. മുരളീധരന്, ജി. സുധാകരന്, ശര്മ്മ, പന്ന്യന്, കെ. ചന്ദ്രന്പിള്ള, പി. രാജീവ് അടക്കമുള്ളവരുടെ പേരുകളും പരാമര്ശിച്ചിരിക്കുന്നു.
Chief Minister and V.D. Satheesan's names also appear in the 'monthly payout' diary; Shone George released the document.
