കേരളത്തിലെ മഴക്കെടുതികളും പ്രളയവും ശാസ്ത്രീയമായി പ്രതിരോധിക്കുന്നതിനായി തയ്യാറാക്കിയ ‘കേരള ഫ്ലഡ് റെസിലിയൻസ് ഇനിഷ്യേറ്റീവ്’ പദ്ധതിയുടെ സമഗ്ര രൂപരേഖ ഐ.ഐ.ടി വിദഗ്ധ സംഘം മുഖ്യമന്ത്രി വി.ഡി. സതീശന് കൈമാറി. മുഖ്യമന്ത്രിയുമായി തിരുവനന്തപുരത്ത് നടത്തിയ കൂടിക്കാഴ്ചയിലാണ് സംഘം പദ്ധതിയുടെ വിശദാംശങ്ങൾ സമർപ്പിച്ചത്.
പുഴകളിലെ മണൽ നീക്കം ചെയ്യുന്നത് പ്രകൃതിയെ ദോഷകരമായി ബാധിക്കാത്ത രീതിയിൽ ശാസ്ത്രീയ പഠനത്തിന് ശേഷം മാത്രമേ നടപ്പിലാക്കാവൂ എന്ന് ഐ.ഐ.ടി വിദഗ്ധർ ശുപാർശ ചെയ്തു. പദ്ധതിയുടെ പ്രായോഗികതയും തുടർനടപടികളും അടിയന്തരമായി പരിശോധിക്കാൻ ബന്ധപ്പെട്ട വിവിധ വകുപ്പുകൾക്ക് മുഖ്യമന്ത്രി നിർദ്ദേശം നൽകിയിട്ടുണ്ട്.
