ടെഹ്റാന്: ഹോര്മൂസ് കടലിടുകക് സംബന്ധിച്ച് അമേരിക്കന് പ്രസിഡന്റ് ഡോണള്ഡ് ട്രംപിന്റെ അവകാശവാദങ്ങള് തള്ളി ഇറാന്. പൂര്ണ നിയന്ത്രണം തങ്ങള്ക്കാണെന്ന യുഎസ് പ്രസിഡന്റ് ഡോണള്ഡ് ട്രംപിന്റെ അവകാശവാദമാണ് ഇറാന് സൈന്യം തള്ളിയത്. ഹോര്മൂസില് പൂര്ണ്ണ നിയന്ത്രണം അമേരിക്കയ്ക്കുണ്ടെന്ന് ട്രംപ് തന്റെ ട്രൂത്ത് സോഷ്യല് പ്ലാറ്റ്ഫോമില് കുറിച്ചിരുന്നു. ഇതിന് പിന്നാലെയാണ് ഇറാന്റെ പ്രതികരണം.
തന്ത്രപ്രധാനമായ ജലപാത പൂര്ണ്ണമായും തങ്ങളുടെ നിയന്ത്രണത്തിലാണെന്ന് ഇറാന് സൈന്യം വ്യക്തമാക്കി. ഹോര്മൂസ് കടലിടുക്കിലൂടെ സാധാരണ നിലയില് കപ്പലുകള് കടന്നുപോകുന്നുവെന്നത് അമേരിക്കയുടെ തെറ്റായ അവകാശവാദങ്ങളാണെന്നും ഇറാന്റെ കേന്ദ്ര സൈനിക കമാന്ഡായ ഖതം-അല് അന്ബിയയുടെ വക്താവ് ഇബ്രാഹിം സോള്ഫാഗാരി പറഞ്ഞു.
ഇറാന്റെ അനുമതിയും മേല്നോട്ടവും ഇല്ലാതെ ഒരു വാണിജ്യ കപ്പലിനോ എണ്ണക്കപ്പലിനോ സുരക്ഷിതമായി ഹോര്മൂസ് കടലിടുക്ക് കടന്നുപോകാനാവില്ലെന്ന് സൈന്യം വ്യക്തമാക്കി. മുന്കാലങ്ങളിലേത് പോലെ ഹോര്മൂസ് കടലിടുക്ക് ഇസ്ലാമിക് റിപ്പബ്ലിക് ഓഫ് ഇറാന്റെ പൂര്ണ നിയന്ത്രണത്തിലും ഭരണനിര്വഹണത്തിലുമാണ് ഇബ്രാഹിം സോള്ഫാഗാരിയെ ഉദ്ധരിച്ച് ഇറാനിയന് മാധ്യമങ്ങള് റിപ്പോര്ട്ട് ചെയ്തു.
Iran dismisses Trump’s claims regarding the Strait of Hormuz; asserts it holds full control.
