ഒഹിയോയിൽ വിവേക് രാമസ്വാമിയുടെ തിരഞ്ഞെടുപ്പ് പ്രചാരണ പരിപാടിക്കിടെ പ്രതിഷേധക്കാരെ പരിഹസിച്ച് അമേരിക്കൻ വൈസ് പ്രസിഡന്റ് ജെ.ഡി. വാൻസ്. ഒഹിയോ ഗവർണർ സ്ഥാനാർത്ഥിയായ രാമസ്വാമിക്കുവേണ്ടി സംസാരിക്കവെയാണ് സദസ്സിൽ നിന്നും ചിലർ വാൻസിനെതിരെ പ്രതിഷേധവുമായി എത്തിയത്. ഈ പ്രതിഷേധങ്ങളെയും റാലിക്കിടെയുണ്ടായ സംഘർഷഭരിതമായ അന്തരീക്ഷത്തെയും വാൻസ് വേദിയിൽ വെച്ച് തന്നെ നേരിടുകയും പരിഹസിക്കുകയും ചെയ്തു.
പ്രതിഷേധക്കാരുടെ വേഷവിധാനത്തെയും രൂപത്തെയുമാണ് ജെ.ഡി. വാൻസ് പ്രധാനമായും പരിഹസിച്ചത്. അവരുടെ മുടിയെയും നടപ്പുകളെയും ചൂണ്ടിക്കാട്ടി അദ്ദേഹം ജനക്കൂട്ടത്തിന് മുന്നിൽ വച്ചുതന്നെ പരിഹാശയരങ്ങൾ ഉന്നയിച്ചു. റിപ്പബ്ലിക്കൻ പാർട്ടിയിലെ ചില നേതാക്കൾ രാമസ്വാമിയുടെ പരസ്യങ്ങളെ വിമർശിച്ചതിനെതിരെ വാൻസ് നേരത്തെ രംഗത്തുവന്നിരുന്നു, ഇതിന് പിന്നാലെയാണ് റാലിയിലും പ്രതിഷേധക്കാരെ നേരിടേണ്ടി വന്നത്.
രാഷ്ട്രീയ എതിരാളികളെയും വിമർശകരെയും രൂക്ഷമായ ഭാഷയിൽ നേരിടുന്ന തന്റെ ശൈലി തന്നെയാണ് ഈ സംഭവത്തിലും ജെ.ഡി. വാൻസ് ആവർത്തിച്ചത്. രാഷ്ട്രീയ പ്രചാരണങ്ങൾക്കിടയിലെ ഇത്തരം നാടകീയ രംഗങ്ങൾ അമേരിക്കൻ മാധ്യമങ്ങളിൽ വലിയ ചർച്ചയായിട്ടുണ്ട്. ഒഹിയോയിലെ ഈ സംഭവം വരാനിരിക്കുന്ന തിരഞ്ഞെടുപ്പ് പോരാട്ടങ്ങൾ എത്രത്തോളം കടുപ്പമേറിയതായിരിക്കുമെന്ന് വ്യക്തമാക്കുന്നതാണ്.
ഒഹിയോ ഗവർണർ സ്ഥാനാർത്ഥിയായ റിപ്പബ്ലിക്കൻ നേതാവ് വിവേക് രാമസ്വാമിയുടെ തിരഞ്ഞെടുപ്പ് പ്രചാരണ പരസ്യത്തെ ചൊല്ലിയാണ് അമേരിക്കയിൽ വലിയ രാഷ്ട്രീയ വിവാദം ഉടലെടുത്തിരിക്കുന്നത്.
ഡെമോക്രാറ്റിക് സ്ഥാനാർത്ഥിയായ ആമി ആക്ടന്റെ വ്യക്തിജീവിതത്തെയും അവരുടെ അകന്നു കഴിയുന്ന അമ്മയെയും ഉൾപ്പെടുത്തി വിവേക് രാമസ്വാമി പുറത്തിറക്കിയ 4 ദശലക്ഷം ഡോളറിന്റെ തിരഞ്ഞെടുപ്പ് പരസ്യമാണ് വലിയ വിവാദത്തിന് തിരികൊളുത്തിയത്. കുട്ടിക്കാലത്ത് നേരിട്ട ദുരനുഭവങ്ങളുമായി ബന്ധപ്പെട്ട് ആമി ആക്ടൻ പറഞ്ഞ കാര്യങ്ങളെ ചോദ്യം ചെയ്യുന്നതാണ് ഈ പരസ്യം.
