കൃഷിചെലവുകളും കാലാവസ്ഥാ മാറ്റവുമായി ബന്ധപ്പെട്ട പ്രശ്നങ്ങളും കുറയ്ക്കാൻ സഹായിക്കുന്ന പുതിയ രീതി ഓസ്ട്രേലിയയിൽ പരീക്ഷിക്കുന്നു. ഖനന, നിർമ്മാണ മേഖലകളിൽ നിന്ന് ലഭിക്കുന്ന കുറവ് വിലയുള്ള അഗ്നിപർവ്വത ശിലയായ ക്രഷ് ചെയ്ത ബാസാൾട്ട് ഉപയോഗിച്ചാണ് പരീക്ഷണം.
ബാസാൾട്ട് ഉപയോഗിച്ച് മണ്ണിന്റെ ആസിഡിറ്റി കുറയ്ക്കാനും വിളവെടുപ്പ് വർദ്ധിപ്പിക്കാനുമാണ് ലക്ഷ്യം. ഓസ്ട്രേലിയൻ യൂണിവേഴ്സിറ്റി ഓഫ് സൗത്ത് ഓസ്ട്രേലിയയിലെ (UniSA) ഗവേഷകരാണ് ഈ പരീക്ഷണത്തിന് നേതൃത്വം നൽകുന്നത്.
“ഓസ്ട്രേലിയൻ കർഷകർ മണ്ണിന്റെ ആസിഡിറ്റി കുറയ്ക്കാൻ വർഷംതോറും ഏകദേശം 1.2 ബില്യൺ ഡോളർ ചെലവഴിക്കുന്നു. ഇതിന് പകരം ബാസാൾട്ട് ഉപയോഗിക്കുകയാണെങ്കിൽ ചെലവും കുറയും, പരിസ്ഥിതിക്കും ഗുണകരമാകും,” എന്നാണ് UniSAയിലെ സീനിയർ റിസർച്ച് ഫെലോ ബിനോയ് സർകാറിന്റെ പ്രസ്താവന.
വായു മണ്ണിൽ പിടിച്ചിരുത്താനും , പോഷകങ്ങൾ ലഭ്യമാക്കാനും ബാസാൾട്ട് സഹായിക്കുന്നു. ഇതുവഴി രാസവളങ്ങളുടെ ഉപയോഗം കുറയുകയും കർഷകർക്ക് ലാഭം വർദ്ധിക്കുകയും ചെയ്യുമെന്നും അദ്ദേഹം പറഞ്ഞു.
ഓസ്ട്രേലിയയിലെ കൃഷിഭൂമികളിൽ നിന്നാണ് രാജ്യത്തെ ഏകദേശം 18% ഹരിതഗൃഹ വാതകങ്ങൾ ഉത്പാദിക്കുന്നത്. ബാസാൾട്ടിന്റെ ഉപയോഗം ഇതു കുറയ്ക്കാനും 2050 ഓടെ കാർബൺ ശൂന്യത ലക്ഷ്യം കൈവരിക്കാനും സഹായിക്കാമെന്നാണ് ശാസ്ത്രജ്ഞരുടെ കണക്കുകൂട്ടൽ.
ജെയിംസ് കുക്ക് യൂണിവേഴ്സിറ്റി, ക്വീൻസ്ലാന്റിലെ ഡ്രൗട്ട് ഹബ്, വ്യവസായ പങ്കാളികൾ എന്നിവരും ഈ ശ്രമത്തിൽ പങ്കാളികളാണ്. ഖനന മേഖലയിൽ നിന്നും ലഭിക്കുന്ന ബാസാൾട്ട് മണ്ണിന്റെ ഗുണമേന്മ വർദ്ധിപ്പിക്കാൻ ഉപയോഗിച്ച് തദ്ദേശവാസികൾക്കും ഖനന മേഖലക്കും പുതിയ വരുമാന സാധ്യതകൾ സൃഷ്ടിക്കാൻ ഇതു വഴി കഴിയുമെന്നാണ് പ്രതീക്ഷ.
A New Solution to Reduce Soil Acidity; Basalt Trial Underway
