പാലക്കാട്: കാട്ടാനയുടെ ആക്രമണത്തില് ആദിവാസി യുവാവിന് ദാരുണാന്ത്യം. പാലക്കാട് മലമ്പുഴ അകമലവാരം ആദിവാസി ഉന്നതിയില് വീടിന് പുറത്തെ മരച്ചുവട്ടില് കിടന്നുറങ്ങുകയായിരുന്ന ചന്ദ്രന് (45) ആണ് കാട്ടാനയുടെ ആക്രമണത്തില് കൊല്ലപ്പെട്ടത്.
പുലര്ച്ചെ 3.30 ഓടെയായിരുന്നു കാട്ടാനയുടെ ആക്രമണം നടന്നത്. വേനല് ചൂടിനെ തുടര്ന്ന് വീടിന് പുറത്തെ പുളിമരച്ചുവട്ടില് കിടന്നുറങ്ങുകയായിരുന്നു ചന്ദ്രന് ഉള്പ്പെടെയുള്ളഴര്. ചന്ദ്രന്റെ കൂടെയുണ്ടായിരുന്ന രണ്ടുപേര് ആനയുടെ ആക്രമണത്തില് നിന്നും തലനാരിഴയ്ക്ക് രക്ഷപെട്ടു. കാട്ടാന വരുന്നതറിഞ്ഞ് മറ്റു രണ്ടുപേര് ഓടിരക്ഷപ്പെട്ടു. എന്നാല് ചന്ദ്രന് പെട്ടെന്ന് മാറാനായില്ല. കാട്ടാനയുടെ ചവിട്ടേറ്റാണ് ചന്ദ്രന് മരിച്ചത്.
A tribal youth was trampled to death by a wild elephant in his backyard.
