ആലപ്പുഴ: പിണറായി വിജയന്റെ ചെരുപ്പിന്റെ വാറഴിക്കാന് ജി.സുധാകരന് യോഗ്യതയില്ലെന്നു സിപിഎം നേതാവും മുന് എംഎല്എയുമായ എച്ച്.സലാം. സുധാകരന് രാഷ്ട്രീയ കോമാളിയാണെന്നും സലാം ഫെയ്സ്ബുക്കില് കുറിച്ചു. പിണറായി വിജയന് എന്ന മനുഷ്യന്റെ കാരുണ്യം കൊണ്ടാണ് അഴിമതിവിരുദ്ധ മുഖംമൂടി കീറിപോകാതിരുന്നത് എന്ന സത്യം ജി. സുധാകരന് മറന്നു പോകരുത്.
2021 ല് ഞാന് മത്സരിച്ച നിയമസഭ തെരഞ്ഞെടുപ്പില് സ്ഥാനാര്ത്ഥി അല്ലാതിരുന്ന ജി. സുധാകരന് എന്തിന് പണം പിരിച്ചുവെന്നുംതാങ്കള് പിരിച്ചെടുത്ത പണത്തിന്റെ കണക്ക് പരസ്യപ്പെടുത്താന് തയ്യാറാകണമെന്നും സലാം ആവശ്യപ്പെട്ടു.
ആരില് നിന്നൊക്കെ എത്ര ലക്ഷങ്ങള് പിരിച്ചുവെന്ന് വെളിപ്പെടുത്താന് ജി. സുധാകരന് ധൈര്യമുണ്ടോ?. താങ്കള്ക്ക് അര്ഹിക്കാത്ത പരിഗണന നല്കിയ പിണറായിവിജയന് എന്ന കമ്മ്യൂണിസ്റ്റിന്റെ ചെരുപ്പിന്റെ വാറഴിക്കാനുള്ള യോഗ്യത ജി. സുധാകരനുണ്ടോ?. പണ്ടൊക്കെ നാട്ടില് ഒരു കുപ്പികള്ള് വാങ്ങികൊടുത്താല് ആരെയും തെറിവിളിക്കുന്ന ഒരാളെ കാണാന് പറ്റുമായിരുന്നു. ആ നിലവാരത്തിലേക്ക് സുധാകരന് മാറിയെന്നും ഫെയ്സ്ബുക്ക് കുറിപ്പില് എച്ച് സലാം പറയുന്നു. മിസ്റ്റര് ജിസുധാകരന്, താങ്കള്ക്കും വീട്ടില് രണ്ട് മൂന്ന് പേര്ക്കും മാത്രമറിയുന്ന രഹസ്യങ്ങള് പലതും ഇന്ന് പരസ്യമാണ് എന്നത് മറക്കണ്ട.
പിണറായി വിജയന് മന്ത്രിസ്ഥാനം ഉപേക്ഷിച്ച് പാര്ട്ടി സെക്രട്ടറിയാകുകയും പതിറ്റാണ്ടുകള് പാര്ട്ടിയെ ധീരമായി നയിച്ച് തുടര്ഭരണത്തിലേയ്ക്ക് വരെ എല് ഡി എഫിനെ നയിക്കുകയും ചെയ്ത നേതാവാണ്. അനാവശ്യം കാണിച്ചിട്ടും താങ്കള്ക്ക് അര്ഹിക്കാത്ത പരിഗണന നല്കിയ പിണറായിവിജയന് എന്ന കമ്മ്യൂണിസ്റ്റിന്റെ ചെരുപ്പിന്റെ വാറഴിക്കാനുള്ള യോഗ്യത ജി.സുധാകരനുണ്ടോ
പാര്ലമെന്റ് അംഗമായും ധനകാര്യ മന്ത്രിയായും സംഘടനാ ചുമതലകളിലും സത്യസന്ധമായും മാതൃകാപരമായും പ്രവര്ത്തിച്ച വ്യക്തിത്വമാണ് കെ.എന്.ബാലഗോപാലിന്റെത്. ആലപ്പുഴ നഗരസഭാ ചെയര്പേഴ്സണ്മാരായി മുന്കാലത്ത് പ്രവര്ത്തിച്ചത് സിപിഎം ഏരിയാകമ്മറ്റി അംഗങ്ങളായ രണ്ട് വനിതാ നേതാക്കളാണ്. അവരെ ജി.സുധാകരന് അധിക്ഷേപിച്ച് വിളിച്ചത് ‘ ഒരുത്തി’ എന്നാണ്. ഇങ്ങനെ സ്ത്രീവിരുദ്ധ പ്രയോഗങ്ങള് നടത്താനാണോ ജനങ്ങള് താങ്കള്ക്ക് വോട്ട് നല്കിയതതെന്നും സലാം ഫേസ്ബുക്ക് കുറിപ്പില് ചോദിക്കുന്നു.
H. Salam says G. Sudhakaran is not qualified to untie Pinarayi Vijayan’s shoelaces.
