ഹൂസ്റ്റൺ: വടക്കേ അമേരിക്കയിലെ മലയാളി യുവപ്രതിഭകളുടെ കലാമികവിന് വേദിയായ ഫൊമായ യൂത്ത് ഫെസ്റ്റിവൽ 2026-ൽ മൂന്ന് യുവതാരങ്ങൾ താരപദവിയിലേക്ക്. ഹൂസ്റ്റണിൽ നടന്ന ഫൊമായ അന്താരാഷ്ട്ര കൺവൻഷനോടനുബന്ധിച്ച യൂത്ത് ഫെസ്റ്റിവലിൽ സബ് ജൂനിയർ വിഭാഗത്തിൽ സാൻ സാൻ ജോസിലെ റയൻ ഡാനിഷും, ജൂനിയർ വിഭാഗത്തിൽ ചിക്കാഗോയിലെ ജെയ്ഡൻ ജോസും, സീനിയർ വിഭാഗത്തിൽ സാൻ ജോസിലെ റിയാന ഡാനിഷും ‘FOMAA STAR’ പുരസ്കാരം സ്വന്തമാക്കി.
സാൻ ജോസിൽ നിന്നുള്ള എട്ടുവയസ്സുകാരൻ റയൻ ഡാനിഷാണ് സബ് ജൂനിയർ വിഭാഗത്തിലെ FOMAA STAR. നോർത്ത്വുഡ് എലിമെന്ററി സ്കൂളിലെ മൂന്നാം ക്ലാസ് വിദ്യാർഥിയായ റയന് കോട്ടയം വേരുകളാണ്. 2024-ലെ ഫോമാ പൂണ്ട കാനാ കൺവെൻഷനിൽ വെറും ആറാം വയസ്സിൽ തന്നെ പ്രശസ്തമായ ‘ഫോമാ സ്റ്റാർ’ പുരസ്കാരം ഏറ്റുവാങ്ങി, ഫോമാ ചരിത്രത്തിലെ ഏറ്റവും പ്രായം കുറഞ്ഞ പുരസ്കാര ജേതാവായി റയൻ ചരിത്രം കുറിച്ചു.
ഹൂസ്റ്റൺ കൺവൻഷനിൽ FOMAA Kalaprathibha പട്ടവും റയൻ സ്വന്തമാക്കി. സിനിമാറ്റിക് ഡാൻസ്, മലയാളം ഗാനം, ഇംഗ്ലീഷ് ഗാനം, മലയാളം പ്രസംഗം, മലയാളം കവിതാപാരായണം, ഫാൻസി ഡ്രസ് എന്നീ ഇനങ്ങളിൽ ഒന്നാം സ്ഥാനവും ഇംഗ്ലീഷ് പ്രസംഗത്തിൽ രണ്ടാം സ്ഥാനവും നേടിയായിരുന്നു കലാപ്രതിഭ പട്ടം.
2024-ലെ ഫൊമായ പുന്തകാന കൺവൻഷനിലും റയൻ FOMAA Kalaprathibha ആയിരുന്നു. സ്വന്തം സംഘടനയായ Malayalee Association of Northern California (MANCA)-യിൽ 2023-ൽ MANCA STAR (കലാതിലകം) പുരസ്കാരവും നേടി. തായ്ക്വോണ്ടോയിൽ ഗ്രീൻ ബെൽറ്റ് കൂടിയാണ് റയൻ.
ചെറുപ്രായത്തിൽ തന്നെ നേടിയ ഈ നേട്ടങ്ങൾ കലാരംഗത്തോടുള്ള റയന്റെ സമർപ്പണത്തിന്റെയും കഠിനാധ്വാനത്തിന്റെയും കുടുംബത്തിന്റെയും അധ്യാപകരുടെയും സമൂഹത്തിന്റെയും പിന്തുണയുടെയും തെളിവാണ്.
ഇല്ലിനോയിയിലെ നൈൽസിൽ നിന്നുള്ള എട്ടാം ക്ലാസ് വിദ്യാർഥി ജെയ്ഡൻ ജോസാണ് ജൂനിയർ വിഭാഗത്തിലെ FOMAA STAR. ജെമിനി മിഡിൽ സ്കൂളിലെ വിദ്യാർഥിയായ ജെയ്ഡൻ സിനിമാറ്റിക് ഡാൻസ്, ഫോക്ക് ഡാൻസ്, ഫാൻസി ഡ്രസ്, ഇംഗ്ലീഷ് പ്രസംഗം, ഇംഗ്ലീഷ് ഗാനം എന്നീ ഇനങ്ങളിൽ ഒന്നാം സ്ഥാനം നേടി.
ഇതോടെ മൂന്നാം തവണ FOMAA STAR പുരസ്കാരം നേടുന്ന താരമായി ജെയ്ഡൻ മാറി. ചിക്കാഗോ മലയാളി അസോസിയേഷന്റെ കലാപ്രതിഭ പട്ടവും മൂന്ന് തവണ സ്വന്തമാക്കിയിട്ടുണ്ട്.
അഞ്ചാം വയസ്സിൽ തന്നെ വേദിയിലെത്തിയ ജെയ്ഡൻ നൃത്തം, സ്കൂൾ നാടകങ്ങൾ, മ്യൂസിക്കലുകൾ എന്നിവയിൽ സജീവമാണ്. കലാരംഗത്തിനപ്പുറം ഗെയിമിംഗ് ലോകത്തും ജെയ്ഡൻ ശ്രദ്ധേയനാണ്. ഇരട്ട സഹോദരൻ ജോസിയ ജോസിനൊപ്പം Under-16 വീഡിയോ ഗെയിം ചലഞ്ചുകളിൽ Guinness World Record സ്വന്തമാക്കിയിട്ടുണ്ട്.
FIFA 22-ൽ ഗോൾകീപ്പറായി ഏറ്റവും വേഗത്തിൽ ഹാട്രിക് നേടിയതിന്റെ റെക്കോർഡ് ജെയ്ഡന്റെ പേരിലാണ്. Nickelodeon All-Star Brawl ഗെയിമിൽ ഏറ്റവും വേഗത്തിൽ വിജയം നേടിയതിന്റെ റെക്കോർഡ് സഹോദരൻ ജോസിയയ്ക്കാണ്.
‘Jayden Central’ എന്ന സ്വന്തം യൂട്യൂബ് ചാനലിലൂടെ ജെയ്ഡൻ തന്റെ സർഗാത്മകതയും പങ്കുവയ്ക്കുന്നു. രണ്ടായിരത്തിലധികം സബ്സ്ക്രൈബർമാരുള്ള ചാനലിലെ ഷോർട്സുകളും വീഡിയോകളും ജെയ്ഡൻ തന്നെ സൃഷ്ടിക്കുകയും റെക്കോർഡ് ചെയ്യുകയും എഡിറ്റ് ചെയ്യുകയും ചെയ്യുന്നു.
പാലാ സ്വദേശിയായ ടോം ജോസിന്റെയും അരുണൂറ്റിമംഗലം സ്വദേശിനി ജിനു ജോസിന്റെയും മകനാണ് ജെയ്ഡൻ. ചിക്കാഗോയിലെ ആശുപത്രി ശൃംഖലയിൽ Respiratory Therapy Educator ആണ് ടോം ജോസ്. Geriatric വിഭാഗത്തിൽ Nurse Practitioner ആയി ജിനു ജോസ് സേവനമനുഷ്ഠിക്കുന്നു. ജെയ്ഡന്റെ ഇരട്ട സഹോദരൻ ജോസിയയും അതേ സ്കൂളിൽ അതേ ക്ലാസിൽ പഠിക്കുന്നു.
സാൻ ജോസെയിലെ റിയാന ഡാനിഷിന് ഫൊമായ വേദി പുതിയതല്ല. ഏഴാം വയസ്സിൽ 2018-ലെ ചിക്കാഗോ കൺവൻഷനിലായിരുന്നു ആദ്യ FOMAA STAR പുരസ്കാരം. പിന്നീട് തുടർച്ചയായി നേട്ടങ്ങൾ ആവർത്തിച്ച റിയാന നാല് തവണ FOMAA STAR പുരസ്കാരം നേടുന്ന താരമായി.
ഹൂസ്റ്റൺ കൺവൻഷനിൽ സീനിയർ വിഭാഗത്തിലെ FOMAA STAR പുരസ്കാരമാണ് റിയാന സ്വന്തമാക്കിയത്. മലയാളം ഗാനം, ഇംഗ്ലീഷ് ഗാനം, മലയാളം പ്രസംഗം, ഇംഗ്ലീഷ് പ്രസംഗം, ക്ലാസിക്കൽ മ്യൂസിക്, മലയാളം കവിതാപാരായണം, സിനിമാറ്റിക് ഡാൻസ്, ഫാൻസി ഡ്രസ് എന്നീ ഇനങ്ങളിൽ ഒന്നാം സ്ഥാനവും ഫോക്ക് ഡാൻസിൽ മൂന്നാം സ്ഥാനവും നേടി.
ഹൂസ്റ്റൺ, പുന്ത കാന കൺവൻഷനുകളിൽ Miss FOMAA പട്ടവും റിയാന നേടിയിട്ടുണ്ട്. MANCA-യിൽ തുടർച്ചയായി 10 വർഷം MANCA STAR (കലാതിലകം) പുരസ്കാരം നേടിയെന്ന അപൂർവ നേട്ടവും റിയാനയുടെ പേരിലുണ്ട്.
സംഗീതരംഗത്തും റിയാന ഇതിനകം ശ്രദ്ധേയ സാന്നിധ്യമാണ്. Saregama Music-നൊപ്പം രണ്ട് മ്യൂസിക് ആൽബങ്ങൾ പുറത്തിറക്കിയിട്ടുണ്ട്. ആൽബങ്ങളിലെ ഗാനങ്ങൾ യൂട്യൂബിൽ ദശലക്ഷക്കണക്കിന് കാഴ്ചകൾ നേടി. 123 Music-നൊപ്പവും രണ്ട് ആൽബങ്ങൾ പുറത്തിറക്കിയിട്ടുണ്ട്. Spotify, Apple Music, Amazon Music തുടങ്ങിയ പ്രധാന സ്ട്രീമിംഗ് പ്ലാറ്റ്ഫോമുകളിലും റിയാനയുടെ സംഗീതം ലഭ്യമാണ്.
റയനും റിയാനയും വടക്കേ അമേരിക്കയിലെ മലയാളി സമൂഹവുമായി അടുത്ത ബന്ധമുള്ള കുടുംബത്തിൽ നിന്നുള്ളവരാണ്.
അവരുടെ പിതാവ് ഡാനിഷ് തോമസ് ഗോൾഡൻ റീജിയനിൽ നിന്ന് ഫൊമായ നാഷണൽ കമ്മിറ്റി അംഗമായി അടുത്തിടെ തിരഞ്ഞെടുക്കപ്പെട്ടു. 2024–2026 കാലയളവിൽ ഫൊമായ കൾച്ചറൽ കമ്മിറ്റി ചെയർമാനായും 2022–2024 കാലയളവിൽ കൾച്ചറൽ കമ്മിറ്റി സെക്രട്ടറിയായും പ്രവർത്തിച്ചിട്ടുണ്ട്. കാൻകൂൺ കൺവൻഷനിൽ FOMAA Malayali Mannan പട്ടവും നേടിയിരുന്നു. MANCA ഡയറക്ടർ ബോർഡ് അംഗം കൂടിയാണ്. ഗൂഗിളിൽ Manager of Technical Program Managers ആയി ജോലി ചെയ്യുന്നു.
മാതാവ് ഷെറിൻ ഡാനിഷ് WEX-ൽ Lead Recruiter ആണ്.
ഫൊമായ കൺവൻഷന്റെ സമാപനച്ചടങ്ങിന്റെ ഭാഗമായി നടന്ന ബാങ്ക്വെറ്റ് പരിപാടിയിലാണ് മൂന്ന് യുവതാരങ്ങളെയും ആദരിച്ചത്. ട്രോഫിക്കൊപ്പം ദിലീപ് വർഗീസ്, സാമുവൽ മത്തായി, ജോഫിൻ സെബാസ്റ്റ്യൻ എന്നിവർ സ്പോൺസർ ചെയ്ത ക്യാഷ് അവാർഡും വിജയികൾക്ക് സമ്മാനിച്ചു.
ഫൊമായ എക്സിക്യൂട്ടീവ് കമ്മിറ്റിയും യുവതാരങ്ങൾക്ക് പ്രത്യേക ആദരവ് നൽകി. പ്രസിഡന്റ് ബേബി മണക്കുന്നേൽ, സെക്രട്ടറി ബൈജു വർഗീസ്, ട്രഷറർ സിജിൽ പാലക്കലോടി, വൈസ് പ്രസിഡന്റ് ഷാലു പുന്നൂസ്, ജോയിന്റ് സെക്രട്ടറി അനുപമ കൃഷ്ണൻ, ജോയിന്റ് ട്രഷറർ പോൾ ജോസ് എന്നിവർ ചടങ്ങിൽ പങ്കെടുത്തു.
റയാൻ ഡാനിഷും ജെയ്ഡൻ ജോസും റിയാന്ന ഡാനിഷും—മൂന്ന് പേരുകൾ, മൂന്ന് വിഭാഗങ്ങൾ, ഒരേ തിളക്കം. വടക്കേ അമേരിക്കൻ മലയാളി സമൂഹത്തിന്റെ അടുത്ത തലമുറ കലാപ്രതിഭകൾക്ക് അതിരുകളില്ലെന്നതിന്റെ തെളിവായി മാറുകയാണ് ഫൊമായ യൂത്ത് ഫെസ്റ്റിവൽ 2026. കലയും സംഗീതവും നൃത്തവും സർഗാത്മകതയും നെഞ്ചിലേറ്റിയ ഈ യുവതാരങ്ങളുടെ നേട്ടങ്ങൾ മലയാളി സംസ്കാരത്തിന്റെ പുതുതലമുറ കൈമാറ്റത്തിനും പ്രതീക്ഷ നൽകുന്നു.
Three Shining Stars on the FOMAA Stage: Ryan, Jayden and Rianna Earn FOMAA STAR Honors
