ന്യൂയോര്‍ക്ക്: ന്യൂയോര്‍ക്ക് സംസ്ഥാനത്ത് ഫെഡറല്‍ ഇമിഗ്രേഷന്‍ വിഭാഗം നടത്തിയ വന്‍തോതിലുള്ള പരിശോധനയില്‍ 2,197 പേര്‍ അറസ്റ്റിലായി. ന്യൂയോര്‍ക്ക് സിറ്റി, ലോംഗ് ഐലന്‍ഡ്, ഹഡ്‌സണ്‍ വാലി, മറ്റ് വടക്കന്‍ കൗണ്ടികള്‍ എന്നിവിടങ്ങള്‍ കേന്ദ്രീകരിച്ചായിരുന്നു പരിശോധന.
എന്നാല്‍ പ്രാദേശിക നിയമപാലകരും ഐസ് (ICE) ഉദ്യോഗസ്ഥരും തമ്മിലുള്ള സഹകരണത്തിന് ന്യൂയോര്‍ക്ക് സര്‍ക്കാര്‍ കര്‍ശന നിയന്ത്രണങ്ങള്‍ ഏര്‍പ്പെടുത്തിയതോടെ വിഷയം ഫെഡറല്‍ കോടതിയിലേക്ക് നീങ്ങി. ഫെഡറല്‍ ഇമിഗ്രേഷന്‍ ഉദ്യോഗസ്ഥരുമായി സ്വമേധയാ സഹകരിക്കുന്നതില്‍ നിന്ന് തടയാന്‍ സംസ്ഥാനത്തിന് അധികാരമില്ലെന്ന് ചൂണ്ടിക്കാട്ടി 15 കൗണ്ടി ഷെരിഫുമാര്‍ കോടതിയില്‍ ഹര്‍ജി നല്‍കി.
ഈ സംഭവവികാസങ്ങളോടെ ന്യൂയോര്‍ക്കിലെ കുടിയേറ്റ നിയന്ത്രണം രണ്ട് മുന്‍നിര പോരാട്ടങ്ങളായി മാറിയിരിക്കുകയാണ്. ഒന്ന് ഫെഡറല്‍ തലത്തിലുള്ള പരിശോധനകളാണെങ്കില്‍, മറ്റൊന്ന് തിരഞ്ഞെടുക്കപ്പെട്ട ഷെരിഫുമാരുടെ മേല്‍ ആല്‍ബണി സര്‍ക്കാരിന് എത്രത്തോളം നിയന്ത്രണം ചെലുത്താനാകും എന്ന് പരിശോധിക്കുന്ന നിയമപോരാട്ടവുമാണ്.
2,197 people arrested in a sweep conducted by the federal immigration division.
വാര്‍ത്ത: പി. പി ചെറിയാന്‍
