ടെക്സസ്: അമേരിക്കന്‍ കോണ്‍ഗ്രസിലേക്ക് വീണ്ടും തിരിച്ചെത്തി മുന്‍ ജനപ്രതിനിധി കോളിന്‍ ഓള്‍റെഡ്. റിപ്പബ്ലിക്കന്‍ സ്ഥാനാര്‍ഥി പാട്രിക് ഗില്ലസ്പിയെയായണ് പരാജയപ്പെടുത്തിയത്. രണ്ട് സെനറ്റ് തിരഞ്ഞെടുപ്പ് പോരാട്ടങ്ങളില്‍ മത്സരിച്ച് പരാജയപ്പെട്ട ശേഷമുള്ള ഓള്‍റെഡിന്റെ രാഷ്ട്രീയ തിരിച്ചുവരവാണിത്. ഈ വിജയത്തോടെ രണ്ടുവര്‍ഷത്തിന് ശേഷമാണ് ഓള്‍റെഡ് വീണ്ടും ജനപ്രതിനിധിസഭയിലേക്ക് മടങ്ങിയെത്തുന്നത്. ഈ തിരഞ്ഞെടുപ്പില്‍ രാഷ്ട്രീയ തിരിച്ചുവരവിന് ശ്രമിക്കുന്ന നിരവധി സ്ഥാനാര്‍ഥികളില്‍ ഒരാളാണ് അദ്ദേഹം. തിരഞ്ഞെടുപ്പിന് മുമ്പ് ഗില്ലസ്പിക്കെതിരെ ഓള്‍റെഡ് വിജയിക്കാനുള്ള സാധ്യത 99 ശതമാനമാണെന്ന് ഡിഡിഎച്ച്ക്യു വിലയിരുത്തിയിരുന്നു. പുറത്തുവന്ന പ്രവചനപ്രകാരം വലിയ ഭൂരിപക്ഷത്തോടെയുള്ള വിജയം ടെക്സസിലെ ഡെമോക്രാറ്റിക് രാഷ്ട്രീയത്തില്‍ ഓള്‍റെഡിന്റെ തിരിച്ചുവരവിന് വഴിയൊരുക്കിയിരിക്കുകയാണ്.
2024-ല്‍ റിപ്പബ്ലിക്കന്‍ സെനറ്റര്‍ ടെഡ് ക്രൂസിനെതിരെ മത്സരിച്ച കോളിന്‍ ആ തിരഞ്ഞെടുപ്പില്‍ പരാജയപ്പെട്ടു. റിപ്പബ്ലിക്കന്‍ പാര്‍ട്ടിക്ക് അനുകൂലമായ രീതിയില്‍ ടെക്സസില്‍ മണ്ഡലങ്ങള്‍ പുനര്‍നിര്‍ണയിച്ചുവെന്ന ആരോപണത്തിന്റെ പശ്ചാത്തലത്തില്‍ ഡെമോക്രാറ്റിക് നേതാക്കള്‍ക്കിടയില്‍ സ്ഥാനാര്‍ഥിത്വവുമായി ബന്ധപ്പെട്ട മത്സരവും ആശയക്കുഴപ്പവും ഉടലെടുത്തു.
ഡെമോക്രാറ്റിക് പാര്‍ട്ടിക്കുള്ളിലെ നേതൃമത്സരത്തിന്റെ പ്രതിഫലനമായും പ്രൈമറി തിരഞ്ഞെടുപ്പ് ഫലങ്ങള്‍ വിലയിരുത്തപ്പെടുന്നു. സെനറ്റ് സ്ഥാനാര്‍ഥിത്വത്തിനായുള്ള ഡെമോക്രാറ്റിക് പ്രൈമറിയില്‍ ജാസ്മിന്‍ ക്രോക്കറ്റിനെ പരാജയപ്പെടുത്തിയ ജെയിംസ് തലാരിക്കോയ്ക്ക് എതിരായ രാഷ്ട്രീയ നീക്കമായും ഓള്‍റെഡിന്റെ വിജയം കാണപ്പെടുന്നു.
Colin Allred heads back to US Congress; secures major victory in Texas
