ആലപ്പുഴ: പുന്നമടക്കായലിൽ 71-ാമത് നെഹ്റുട്രോഫി വള്ളംകളി ആവേശോല്പാദകമായി നടന്നു. വീയപുരം ചുണ്ടൻ ജലരാജാവായി തിളങ്ങിയപ്പോൾ, നടുഭാഗം ചുണ്ടൻ രണ്ടാം സ്ഥാനം നേടി. വില്ലേജ് ബോട്ട് ക്ലബ് കൈനകരി വീയപുരം ചുണ്ടനെ തുഴഞ്ഞപ്പോൾ, പുന്നമട ബോട്ട് ക്ലബാണ് നടുഭാഗം ചുണ്ടനെ മുന്നോട്ട് നയിച്ചത്. ഹീറ്റ്സിൽ മികച്ച പ്രകടനം കാഴ്ചവെച്ച നടുഭാഗം, നിരണം, മേല്പ്പാടം, വീയപുരം എന്നീ ചുണ്ടൻ വള്ളങ്ങൾ ഫൈനലിൽ ഏറ്റുമുട്ടി.
ഹീറ്റ്സിലെ പ്രകടനം
വീയപുരം ചുണ്ടൻ ആറാം ഹീറ്റിൽ ഒന്നാമതെത്തി ഫൈനലിന് യോഗ്യത നേടി. മേൽപ്പാടം ചുണ്ടൻ മൂന്നാം ഹീറ്റിൽ വിജയിച്ച് പള്ളാത്തുരുത്തി ബോട്ട് ക്ലബിന്റെ നേതൃത്വത്തിൽ ഫൈനലിലെത്തി. നാലാം ഹീറ്റിൽ നടുഭാഗം ചുണ്ടനും അഞ്ചാം ഹീറ്റിൽ പായിപ്പാടൻ ചുണ്ടനും ഒന്നാമതെത്തി. എന്നാൽ, ആദ്യ ഹീറ്റിൽ വിജയിച്ച കാരിച്ചാൽ ചുണ്ടൻ ഫൈനലിന് യോഗ്യത നേടാതെ പുറത്തായി.
