തിരുവനന്തപുരം: മുസ്ലിം ലീഗിനെ ഒറ്റ തിരിഞ്ഞ് ആക്രമിക്കുന്നതു കേരളത്തില് വിഭജന രാഷ്ട്രിയ ഉണ്ടാക്കാനാണെന്ന് നിയുക്ത മുഖ്യമന്ത്രി വിഡി സതീശന്. മുസ്ലിം ലീഗ് യുഡിഎഫിലെ പ്രധാനപ്പെട്ട ഘടകകക്ഷിയാണ്. യുഡിഎഫ് തെരഞ്ഞെടുപ്പ് വിജയത്തില് നിര്ണായക പങ്കു വഹിച്ച വരുമാണ്. പതിറ്റാണ്ടികളായി യുഡിഎഫിനൊപ്പമുള്ളവരും യുഡിഎഫിന്റെ വിജയത്തില് പ്രധാന പങ്കുമുള്ളതായി സതീശന് കൂട്ടിച്ചേര്ത്തു. കേരളത്തെ ഭിന്നിപ്പിക്കാന് ഒരു തരത്തിലും സമ്മതിക്കില്ല. വരാനിരിക്കുന്ന തലമുറകള് സൗഹാര്ദ്ദത്തോടെ ജീവിക്കുന്ന ഒരു കേരളം. അതു തകര്ക്കാന് ഒരു ശക്തിയെയും സമ്മതിക്കില്ല. എന്തു വില കൊടുത്തും അതിനെ എതിര്ക്കും. സാമുദായനേതാക്കളുടെ ബാഗത്തു നിന്നും ഒരിക്കലും അത്തരം പ്രസ്താവനകള് ഉണ്ടാകരുതെന്നാണ് തന്റെ അഭ്യര്ത്ഥന. അവര്ക്ക് വേണമെങ്കില് വ്യക്തിപരമായി തന്നെ വിമര്ശിക്കാം. ഇത് മതേതര കേരളമാണ്. ഇതില് ഒരു പോറല് വീഴ്ത്താന് പോലും സമ്മതിക്കില്ലെന്നും വിഡി സതീശന് കൂട്ടിച്ചേര്ത്തു.
കേരളത്തില് മുസ്ലിം ലീഗ് ദുര്ബലമായാല് ആ സ്പേസ് വര്ഗീയശക്തികള് കൈയ്യടക്കും. അതിനെ തടുത്തു നിര്ത്തുന്ന രാഷ്ട്രീയ പാര്ട്ടി കൂടിയാണ് മുസ്ലിം ലീഗ്. ലീഗിനെ എതിര്ക്കുന്നവര് അതുകൂടി മനസ്സിലാക്കണം. വിദ്വേഷ പ്രചാരണത്തോട് ഒരു വിട്ടുവീഴ്ചയുമില്ല. മതേതര നിലപാടില് ഒരു കോംപ്രമൈസുമില്ല. തെരഞ്ഞെടുപ്പ് കാലത്ത് വിട്ടുവീഴ്ച ചെയ്തിട്ടില്ല, പിന്നെയാണ് തെരഞ്ഞെടുപ്പ് കഴിഞ്ഞിട്ട് കോംപ്രമൈസ് ചെയ്യാന് പോകുന്നതെന്നും വിഡി സതീശന് പറഞ്ഞു.
ലീഗിനെ ഒറ്റതിരിഞ്ഞ് ആക്രമിക്കുന്നത് കേരളത്തില് വിഭജനമുണ്ടാക്കാന്: വി.ഡി സതീശന്
May 15, 2026 1:22 pm
