എബോള വൈറസ് വ്യാപന ഭീഷണിയുടെ പശ്ചാത്തലത്തിൽ തിരുവനന്തപുരം അന്താരാഷ്ട്ര വിമാനത്താവളത്തിൽ ഇന്ന് അടിയന്തര യോഗം ചേരും. എയർപോർട്ട് ഹെൽത്ത് ഓഫീസറുടെ നേതൃത്വത്തിലാണ് മെഡിക്കൽ ബോർഡ് യോഗം വിളിച്ചിരിക്കുന്നത്. കേന്ദ്ര ആരോഗ്യ മന്ത്രാലയത്തിന്റെ നിർദ്ദേശങ്ങൾ കർശനമായി പാലിച്ചുകൊണ്ട് വിമാനത്താവളത്തിൽ യാത്രക്കാരുടെ സ്ക്രീനിംഗ് നടപടികൾ ഇന്നുമുതൽ ആരംഭിക്കുന്നതിനെക്കുറിച്ച് യോഗം ചർച്ച ചെയ്യും.
രോഗബാധ തടയുന്നതിനുള്ള ശക്തമായ മുൻകരുതലുകളുടെ ഭാഗമായി സംസ്ഥാന ആരോഗ്യവകുപ്പ് പ്രത്യേക മാർഗ്ഗനിർദ്ദേശങ്ങൾ ഉടൻ പുറത്തിറക്കും. വിദേശത്തുനിന്നും എത്തുന്ന യാത്രക്കാരിൽ രോഗലക്ഷണങ്ങൾ കണ്ടെത്തുന്നവരെ നിരീക്ഷിക്കുന്നതിനായി പ്രത്യേക ഐസൊലേഷൻ സൗകര്യങ്ങൾ അടിയന്തരമായി ഒരുക്കാനും നിർദ്ദേശം നൽകിയിട്ടുണ്ട്. പ്രതിരോധ പ്രവർത്തനങ്ങൾ ഏകോപിപ്പിക്കുന്നതിനായി വിമാനത്താവളത്തിലും പ്രധാന ആശുപത്രികളിലും പ്രത്യേക മെഡിക്കൽ സംഘത്തെ നിയോഗിക്കും.
