തിരുവനന്തപുരം: സംസ്ഥാനത്തെ ഭൂമിയുടെ സമഗ്രമായ ഉപയോഗം ഉറപ്പുവരുത്താന് ഭൂപരിഷ്കരണം 2 നടപ്പാക്കുമെന്ന് മുഖ്യമന്ത്രി വി.ഡി സതീശന്. ഇതിനായി മുന്കാലങ്ങളില് പ്രസക്തമായിരുന്ന ഭൂനിയമങ്ങള് പരിശോധിക്കുകയും കാലാനുസൃതമായ മാറ്റങ്ങള് ആവശ്യമായവ പരിഷ്കരിക്കുകയും ചെയ്യുമെന്നും ബജറ്റ് പ്രസംഗത്തില് മുഖ്യമന്ത്രി പറഞ്ഞു.
വലിയ പദ്ധതികള്ക്കായി ലാന്ഡ് പൂളിങ് ഫ്രെയിംവര്ക്ക് അവതരിപ്പിക്കും. വാണിജ്യ സംരംഭങ്ങള്ക്കായി ഭൂമി പരിവര്ത്തനം ചെയ്യുന്ന പ്രക്രിയ വേഗത്തിലാക്കും. ഭൂമിയേറ്റെടുക്കല് പ്രക്രിയ സുതാര്യവും സമയബദ്ധിതവുമാക്കുന്നതിനായി കിന്ഫ്ര, ഇന്കെല് എന്നി സര്ക്കാര് ഏജന്സികളെ ശക്തിപ്പെടുത്തും.
സര്ക്കാര് വകുപ്പുകളിലും പൊതുമേഖല സ്ഥാപനങ്ങളിലുമുള്ള മിച്ച ഭൂമി പ്രയോജനപ്പെടുത്താന് ലാന്ഡ് ബാങ്ക് സൃഷ്ടിക്കുന്നതിനായി ലാന്ഡ് മാനേജ്മെന്റ് ഫ്രെയിംവര്ക്ക് ഉണ്ടാക്കുകയും ആവശ്യമായ നിയമനിര്മമാണം നടത്തുകയും ചെയ്യും.
Land Reform 2 will be implemented to ensure comprehensive use of land in the state.
