തിരുവനന്തപുരം: സംസ്ഥാനത്തെ കോളജുകളിലെ റാഗിങ്ങും അക്രമങ്ങളും തടയുന്നതിനായി ‘സിദ്ധാര്ഥന് സ്റ്റുഡന്റ് ഡിസ്ട്രസ്സ് ആപ്പ് കൊണ്ടുവരുമെന്ന് മുഖ്യമന്ത്രി വി.ഡി സതീശന്. ക്യാംപസുകളില് വിദ്യാര്ഥികളുടെ സുരക്ഷയും ക്ഷേമവും ഉറപ്പാക്കാന് സിദ്ധാര്ഥന് ആന്റി റാഗിങ് ആന്ഡ് സ്റ്റുഡന്റ് വെല്ഫെയര് ആക്ട് നടപ്പിലാക്കുമെന്നും ബജറ്റില് മുഖ്യമന്ത്രി പ്രഖ്യാപിച്ചു.
വയനാട് പൂക്കോട് വെറ്ററിനറി കോളജില് റാഗിങിനെ തുടര്ന്ന് മരിച്ച സിദ്ധാര്ഥന്റെ പേരിലാണ് പദ്ധതി.
2024 ഫെബ്രുവരി 18 നാണ് തിരുവനന്തപുരം സ്വദേശിയായ സിദ്ധാര്ത്ഥനെ പൂക്കോട് വെറ്റിനറി കോളേജിലെ ഹോസ്റ്റലിലെ ശുചിമുറിയില് തൂങ്ങി മരിച്ച നിലയില് കണ്ടെത്തിയത്. കോളേജിലെ പൊതുദര്ശനത്തിന് വച്ച മൃതദേഹം വീട്ടിലേക്ക് കൊണ്ട് വരുമ്പോള് കോളേജില് വച്ച് ആംബുലന്സിലേക്ക് ഒരാള് എറിഞ്ഞ കടലാസും അതിലൂടെ പുറത്തുവന്ന വിവരങ്ങളുമാണ് അതിക്രൂരമായ റാഗിങിന് സിദ്ധാര്ത്ഥന് ഇരയായെന്ന വിവരം വീട്ടുകാര് അറിയാന് ഇടയാക്കിയത്.
siddharthan-student-distress-app-to-prevent-ragging-and-violence-in-colleges
