തിരുവനന്തപുരം: സംസ്ഥാനത്തിന്റെ സാമ്പത്തിക സ്ഥിതി ഗുരുതരമെന്ന് വ്യക്തമാക്കി ധവളപത്രവുമായി സര്ക്കാര്. പിണറായി സര്ക്കാര് അധികാരമൊഴിയുമ്പോള് സംസ്ഥാന ഖജനാവിലുണ്ടായിരുന്നത് 5,263.74 കോടി രൂപയാണെന്ന് വ്യക്തമാക്കിക്കൊണ്ട് മുഖ്യമന്ത്രി കൂടിയായ ധനമന്ത്രി വി.ഡി. സതീശന് നിയമസഭയില് ധവളപത്രം അവതരിപ്പിച്ചു. സംസ്ഥാനം നേരിടുന്ന ട്രഷറി പ്രതിസന്ധി അതീവ രൂക്ഷമായി തുടരുകയാണെന്നാണ് ധവളപത്രത്തിലെ വെളിപ്പെടുത്തല്.
5.07 ലക്ഷം കോടി രൂപയാണ് കടബാധ്യതയെന്നും വരുമാനത്തിന്റെ 77 ശതമാനം ശമ്പളം, പെന്ഷന്, പലിശ തുടങ്ങിയവക്കായാണ് ചെലവാക്കുന്നതെന്നും ധവളപത്രത്തില് പറയുന്നു. കിഫ്ബിക്ക് 21000 കോടി രൂപയുടെ ബാധ്യതയുണ്ടെന്നും ട്രഷറി പ്രതിസന്ധി രൂക്ഷമാണെന്നും ധവളപത്രത്തില് പരാമര്ശിക്കുന്നു.
കേന്ദ്ര സഹായം കുറഞ്ഞെന്നും ധവളപത്രത്തില് ശരിവയ്ക്കുന്നുണ്ട്.കഴിഞ്ഞ 2025-ല് മാത്രം 262 ദിവസം വേയ്സ് ആന്ഡ് മീന്സ് അഡ്വാന്സിനെയും 84 ദിവസം ഓവര്ഡ്രാഫ്റ്റിനെയും സര്ക്കാരിന് ആശ്രയിക്കേണ്ടി വന്നിട്ടുണ്ട്. ഇതിന് പുറമെ മുന് സര്ക്കാര് വരുത്തിവെച്ച 48,733 കോടി രൂപയുടെ കുടിശ്ശിക പുതിയ സര്ക്കാരിന് പൂര്ണ്ണമായും ഏറ്റെടുക്കേണ്ടി വന്നിരിക്കുകയാണ്. കൂടാതെ കിഫ്ബി പദ്ധതികളുടെ വിതരണത്തില് വലിയ രീതിയിലുള്ള പ്രാദേശിക അസമത്വമുണ്ടെന്നും, കണ്ണൂര് ജില്ലയില് മാത്രം ആകെ തുകയുടെ 20 ശതമാനത്തോളം ഫണ്ട് അനുവദിച്ചതായും റിപ്പോര്ട്ടില് പറയുന്നു.
The government has released a white paper stating that the state's financial situation is critical.
