ന്യൂഡല്ഹി: രാജ്യത്ത് ദലിതര്ക്ക് ഒരു സ്ഥാനവുമില്ലെന്നും മതത്തിന്റെ പേരില് ഹിന്ദുത്വ സംഘടനകള് എല്ലാവരെയും ഭിന്നിപ്പിക്കുകയാണെന്നും.കോൺഗ്രസ് അധ്യക്ഷൻ മല്ലികാർജുൻ ഖാർഗെ.ഉത്തരാഖണ്ഡിലെ രാംലീല മൈതാനിയില് തന്റെ പ്രസംഗത്തിനു പിന്നാലെ ഹിന്ദുത്വ സംഘടന ശുദ്ധികലശം നടത്തിയ സംഭവത്തില് രൂക്ഷ വിമര്ശനവുമായാണ് ഖാർഗെ രംഗത്ത് വന്നത്
ഹാല്ദ്വാനിയിലെ രാംലീല മൈതാനത്ത് കഴിഞ്ഞ ശനിയാഴ്ചയാണ് ഖാര്ഗെ വിജയ ശംഖനാഥ് റാലിയെ അഭിസംബോധന ചെയ്തത്. ഇതിനുശേഷം തിങ്കളാഴ്ച ശ്രീരാമ സേന ശുദ്ധികലശം നടത്തുകയും ചെയ്തു. സംഭവം വലിയ രാഷ്ട്രീയ വിവാദമായി. പാര്ലമെന്റിന്റെ വര്ഷകാല സമ്മേളനം അവസാനിക്കാനിരിക്കെ വ്യാഴാഴ്ചയാണ് ഖാര്ഗെ വിഷയം രാജ്യസഭയില് ഉന്നയിച്ചത്.
‘ഈ രാജ്യത്ത് ദലിതര്ക്ക് ഇടമില്ലെന്ന് ഞങ്ങള് എല്ലായ്പ്പോഴും പറഞ്ഞിട്ടുണ്ട്. അവര് എല്ലാവരെയും മതത്തിന്റെ പേരില് ഭിന്നിപ്പിക്കുകയാണ്. അവിടെ ഒരു ഹോമം നടത്തേണ്ട ആവശ്യമെ ന്തായിരുന്നു? രാംലീല മൈതാനി എല്ലാ പാര്ട്ടികളും പൊതുയോഗങ്ങള്ക്കായി ഉപയോഗിക്കുന്ന വേദിയാണ്. എന്നാല് അവര് ചെയ്തത് ഹിന്ദു മതത്തിന് തന്നെ എതിരാണ്. രണ്ടാമതായി, അവര് രാജ്യത്തെ ഭിന്നിപ്പിക്കാനും ജാതികള് തമ്മില് സംഘര്ഷം ഉണ്ടാക്കാനുമായാണ് പ്രവര്ത്തിക്കുന്നത്.
രാംലീല മൈതാനിയില് ഞാന് പ്രസംഗിച്ചു. ലക്ഷക്കണക്കിന് ആളുകള് അവിടെയുണ്ടായിരുന്നു. ആ സമയത്ത് ഞാന് ഒരു സമുദായത്തിന്റെയും മതത്തി ന്റെയും പേര് പരാമര്ശിച്ചിരുന്നില്ല. സര്ക്കാരിന്റെ വിഷയങ്ങള് മാത്രമാണ് ഞാന് ആവര്ത്തിച്ചത്. എന്നാല് എന്റെ പ്രസംഗത്തിന് ശേഷം, ബിജെപി പ്രവര്ത്തകര് ആ വേദി ശുദ്ധീകരിക്കാന് അവിടെ ഹോമം നടത്തി. ഇതാണോ ജനാധിപത്യ രീതി? നിങ്ങള് എങ്ങനെയാണ് ഭരണഘടന സംരക്ഷണത്തിന്റെ വക്താക്ക ളാകുന്നത്?’ -ഖാര്ഗെ ചോദിച്ചു
ഖാര്ഗെയ്ക്ക് മറുപടി നല്കിയ കേന്ദ്രമന്ത്രി ജെപി നഡ്ഡ, സംഭവം ദൗര്ഭാഗ്യകരമാണെന്നും ബിജെപി അംഗങ്ങള്ക്ക് ഇതില് പങ്കില്ലെന്നും പറഞ്ഞു. വിഷയത്തില് അന്വേഷണം നടത്തുമെന്ന് നഡ്ഡ ഉറപ്പുനല്കി. ശ്രീരാമ സേന ബിജെപിയുമായി ബന്ധമുള്ള സംഘടനയാണെന്ന ഉത്തരാഖണ്ഡ് കോണ്ഗ്രസ് അധ്യക്ഷന് ഗണേഷ് ഗോഡിയാലിന്റെ ആരോപണം ബിജെപി നിഷേധിച്ചു. ശ്രീരാമ സേനയ്ക്കെതിരെ നടപടി സ്വീകരിക്കാത്തതില് നൈനിറ്റാള് പൊലീസ് സൂപ്രണ്ടിനെയും ഗോഡിയാല് ചോദ്യം ചെയ്തു.
Kharge stated that Dalits have no place in the country and that Hindutva organizations are dividing everyone along religious lines.
