വിശുദ്ധ വേദമന്ത്രങ്ങള്‍ തുളുമ്പുമധരത്തോടും
ശ്രീ ശാരദാചാരുരൂപം ചേരും നട തുറക്കയായ്
സേവിച്ചാത്മതമസ്സറ്റോരാമ്പലപൂപോലവേ
അലിഞ്ഞുചേരുകാത്മാവേ നവരാത്രിനിലാവില്‍ നീ
എന്നും മാറിനില്‍ക്കുക രാവിന്റെ മഹിഷാസുര സൈന്യമേ
എഴുന്നെള്ളുകയായി അര്‍ക്കചക്രമുദ്ര ധരിച്ചവള്‍
ഹൂസ്റ്റണ്‍: ഭക്തിയുടെ നിറദീപങ്ങള്‍ തെളിയുകയും ശാസ്ത്രീയസംഗീതത്തിന്റെയും നൃത്തത്തിന്റെയും പവിത്രനാദങ്ങള്‍അന്തരീക്ഷത്തില്‍ നിറയുകയും ചെയ്യുന്ന നവരാത്രിയുടെ
സുദിനങ്ങളില്‍, ഹൂസ്റ്റണ്‍ ശ്രീ ഗുരുവായൂരപ്പന്‍ ക്ഷേത്രംആത്മീയതയുടെയും ഭാരതീയ കലാപൈതൃകത്തിന്റെയും മഹത്തായസംഗമവേദിയായി മാറുന്നു. ദുര്‍ഗാപൂജയുടെയും നവരാത്രിയു ടെയുംപുണ്യദിനങ്ങളെ ഭക്തിനിര്‍ഭരമായ ചടങ്ങുകളാലും ഹൃദയഹാരി യായകലാപരിപാടികളാലും സമ്പന്നമാക്കിക്കൊണ്ട്, തുടര്‍ച്ചയായ ഒന്‍പത്ദിനരാത്രങ്ങളില്‍ ക്ഷേത്രം വിശ്വാസത്തിന്റെയുംസംസ്‌കാരത്തിന്റെയും മഹോത്സവത്തിന് സാക്ഷ്യം വഹിക്കുന്നു.
അജ്ഞാനത്തിന്റെ അന്ധകാരത്തെ ജ്ഞാനത്തിന്റെ പ്രകാശംകൊണ്ടുംഅധര്‍മ്മത്തെ ധര്‍മ്മത്തിന്റെ ശക്തികൊണ്ടും പരാജയപ്പെടുത്തുന്നദേവീചൈതന്യത്തിന്റെ പ്രതീകമാണ് നവരാത്രി. ദുര്‍ഗ്ഗ, ലക്ഷ്മി,സരസ്വതി എന്നീ ദേവീഭാവങ്ങളുടെ മഹത്വം സ്മരിക്കുന്ന ഈപുണ്യകാലം, ആത്മസമര്‍പ്പണത്തിന്റെയുംആത്മശുദ്ധീകരണത്തിന്റെയും സാംസ്‌കാരിക നവോത്ഥാനത്തിന്റെയുംസന്ദേശമാണ് പകരുന്നത്. ആ വിശുദ്ധ സന്ദേശത്തെ ഹൃദയങ്ങളില്‍ നിറച്ചുകൊണ്ട്, ഹൂസ്റ്റണ്‍ ശ്രീ ഗുരുവായൂരപ്പന്‍ ക്ഷേത്രത്തിലെനവരാത്രി ആഘോഷങ്ങള്‍ ഭക്തര്‍ക്കും കലാസ്വാദകര്‍ക്കും ഒരുപോലെഅവിസ്മരണീയമായ അനുഭവമായി മാറുന്നു. അമേരിക്കയുടെവിവിധ ഭാഗങ്ങളില്‍നിന്ന് എത്തിച്ചേരുന്ന ഭക്തജനങ്ങളുംകലാകാരന്മാരും സംഗീതജ്ഞരും നര്‍ത്തകരും ഈ മഹോത്സവത്തിന്‌വൈവിധ്യത്തിന്റെയും മികവിന്റെയും നിറപ്പകിട്ടേകുന്നു.
ഓരോദിനവും ഓരോ പുതിയ ആത്മീയാനുഭവമായി വിരിയുമ്പോള്‍,ശാസ്ത്രീയ സംഗീതക്കച്ചേരികളും കര്‍ണാടക സംഗീതാവതരണങ്ങളുംഭക്തിഗാനങ്ങളും ശാസ്ത്രീയ നൃത്തപരിപാടികളും ഉള്‍പ്പെടെയുള്ളപാരമ്പര്യകലാവിഷ്‌കാരങ്ങള്‍ പ്രശസ്തരും പ്രതിഭാധനരുമായകലാകാരന്മാരുടെ അവതരണങ്ങള്‍ക്കൊപ്പം, ഭാരതീയ ശാസ്ത്രീയ
കലകളുടെ മഹത്തായ പാരമ്പര്യം പുതുതലമുറയിലേക്ക്പകര്‍ന്നുനല്‍കുന്ന സാംസ്‌കാരിക ദൗത്യത്തിനും ഈ ആഘോഷങ്ങള്‍പ്രാധാന്യം നല്‍കുന്നു. വിദേശമണ്ണില്‍ വളരുന്ന പുതുതലമുറയ്ക്ക്‌സ്വന്തം ഭാഷയുടെയും സംസ്‌കാരത്തിന്റെയുംകലാപാരമ്പര്യത്തിന്റെയും വേരുകളെ അടുത്തറിയാനുംഅനുഭവിച്ചറിയാനും ഈ നവരാത്രി വേദി വിലപ്പെട്ടഅവസരമൊരുക്കുന്നു. തലമുറകളെ തമ്മില്‍ ബന്ധിപ്പിക്കുകയുംകുടുംബങ്ങളെ ഒരുമിപ്പിക്കുകയും സമൂഹത്തില്‍സൗഹാര്‍ദ്ദത്തിന്റെയും ഐക്യത്തിന്റെയും സ്‌നേഹത്തിന്റെയുംസന്ദേശം പകരുകയും ചെയ്യുന്ന ഈ മഹോത്സവം, ക്ഷേത്രാഘോഷങ്ങള്‍ക്കപ്പുറം ഒരു സാംസ്‌കാരിക കൂട്ടായ്മയുടെമഹത്തായ പ്രതീകമായി ഉയര്‍ന്നുനില്‍ക്കുന്നു.
ഒന്‍പത്ദിനരാത്രങ്ങളിലായി നീളുന്ന ഈ ഭക്തിസാന്ദ്രമായ ആഘോഷത്തില്‍,ദീപപ്രഭയും മന്ത്രധ്വനികളും സംഗീതവും നൃത്തവും ഒത്തുചേരുമ്പോള്‍,ക്ഷേത്രസന്നിധി കേരളീയ ക്ഷേത്രസംസ്‌കാരത്തിന്റെയും ഭാരതീയആത്മീയപാരമ്പര്യത്തിന്റെയും സജീവസാക്ഷ്യമായി മാറുന്നു.പ്രവാസജീവിതത്തിന്റെ തിരക്കുകള്‍ക്കിടയിലും വിശ്വാസത്തിന്റെവിളക്കണയാതെ സൂക്ഷിക്കുന്ന ഭക്തജനങ്ങളുടെ സമര്‍പ്പണവും,പാരമ്പര്യത്തെ നെഞ്ചേറ്റുന്ന കലാകാരന്മാരുടെ ആത്മാര്‍ഥതയും,കൂട്ടായ്മയുടെ കരുത്തും ഈ ആഘോഷത്തിന് സവിശേഷമായമഹത്വം പകരുന്നു. നവരാത്രി എന്നത് വെറുമൊരു ആഘോഷമല്ല;അത് ഉള്ളിലെ നന്മയെ ഉണര്‍ത്തുന്ന ആത്മീയയാത്രയാണ്.
ഭക്തിയുടെസുഗന്ധവും കലയുടെ സൗന്ദര്യവും സംസ്‌കാരത്തിന്റെ മഹിമയുംഒത്തുചേരുന്ന ഈ പുണ്യവേളയില്‍, ഹൂസ്റ്റണ്‍ ശ്രീ ഗുരുവായൂരപ്പന്‍ക്ഷേത്രം വിശ്വാസികളുടെ ഹൃദയങ്ങളില്‍ പ്രത്യാശയുടെയുംസമാധാനത്തിന്റെയും ജ്ഞാനത്തിന്റെയും ദീപങ്ങള്‍ തെളിയിക്കുന്നുഎന്ന് പ്രസിഡന്റ് ഡോ. രാംദാസ് അറിയിച്ചു.
വാര്‍ത്ത അയച്ചത് :ശങ്കരന്‍കുട്ടി, ഹൂസ്റ്റന്‍
Navaratri at the Houston Sree Guruvayurappan Temple: A Blessed Confluence of Devotion and Music
