ചെന്നൈ : തമിഴ്നാട്ടിൽ ചരക്കു ട്രയിനിനു തീപിടിച്ചതിനു പിന്നാലെ സമീപത്തെ റെയിൽ വേട്രാക്കിൽ വിള്ളൽ കൂടി കണ്ടതോടെ അന്വേഷണം കൂടുതൽ ശക്തമാക്കി. തിരുവള്ളൂര് റെയില്വേ സ്റ്റേഷന് സമീപത്ത് വച്ചാണ് ഗുഡ്സ് ട്രെയിനിന്റെ അഞ്ച് വാഗണുകളില് തീ പടര്ന്നത്.
ഇന്നു പുലര്ച്ചെയോടയാണ് ഡീസല് ശേഖരിച്ച ട്രെയിന് വാഗണുകളില് തീ പിടിച്ചത്. സംഭവത്തില് ആളപായം റിപ്പോര്ട്ട് ചെയ്തിട്ടില്ല. തീപിടിത്തം നിയന്ത്രണ വിധേയമാക്കാനുള്ള ശ്രമങ്ങള് നടക്കുകയാണ്. പത്തോളം അഗ്നിശമന സേനാ യൂണിറ്റുകളുടെ നേതൃത്വത്തിലാണ് നടപടികള് പുരോഗമിക്കുന്നത്. മുന്കരുതല് നടപടിയായി സമീപ പ്രദേശങ്ങളില് നിന്ന് ആളുകളെ ഒഴിപ്പിച്ചു.
തീപിടിത്തം സംബന്ധിച്ച് അന്വേഷണം നടത്തുമെന്ന് റെയില്വെ അറിയിച്ചു. അപകടത്തെ തുടര്ന്ന് ട്രെയിന് ഗതാഗതം താറുമാറായി.
ചെന്നൈയിലേക്കും തിരിച്ചുമുള്ള ട്രെയിന് സര്വീസുകള് തടസ്സപ്പെട്ടു. എട്ട് ട്രെയിനുകള് റദ്ദാക്കി. നിരവധി ട്രെയിനുകള് വഴി തിരിച്ചുവിട്ടതായും റിപ്പോര്ട്ടുകളുണ്ട്.
fire-brokeout on fourwagonsofa goods-train
