ശബരിമല തീര്‍ഥാടനം:’ശരണ്‍’ ഡിജിറ്റല്‍ സംവിധാനം നിലവില്‍ വന്നു

ശബരിമല തീര്‍ഥാടനം:’ശരണ്‍’ ഡിജിറ്റല്‍ സംവിധാനം നിലവില്‍ വന്നു
Share Email

ശബരിമല: ശബരിമല തീര്‍ഥാടനം കൂടുതല്‍ സുരക്ഷിതവും സുഗമവും സൗകര്യപ്രദവുമാക്കുന്നതിനായി തദ്ദേശ സ്വയംഭരണ വകുപ്പിലെ ഐ ടി വിഭാഗം വികസിപ്പിച്ചെടുത്ത ‘ശരണ്‍’ ഡിജിറ്റല്‍ സംവിധാനം നിലവില്‍ വന്നു.

ശബരിമലയിലേക്കുള്ള പാതകളിലെ ഇടത്താവളങ്ങള്‍, അവിടെ ലഭ്യമായ അടിസ്ഥാന സൗകര്യങ്ങള്‍, യാത്രാ വിവരങ്ങള്‍, പ്രാദേശിക അറിയിപ്പുകള്‍ എന്നിവ ഒരൊറ്റ പ്ലാറ്റ്ഫോമിലൂടെ തീര്‍ഥാടകരിലേക്ക് എത്തിക്കുന്നതിനൊപ്പം തീര്‍ഥാടകരുടെ യാത്ര കൂടുതല്‍ സുഗമവും സുരക്ഷിതവുമാക്കുകയാണ് ആപ്പിന്റെ പ്രധാന ലക്ഷ്യം. ആറ് ഭാഷകളില്‍ സേവനം ലഭ്യമാക്കിയിട്ടുണ്ട്.

ശബരിമലയിലെ ദൈനംദിന പൂജാസമയങ്ങള്‍ പ്ലാറ്റ്‌ഫോമിന്റെ ഹോം സ്‌ക്രീനില്‍ തന്നെ ലഭ്യമാകും. കൂടാതെ അടിയന്തര സാഹചര്യങ്ങളില്‍ ബന്ധപ്പെടേണ്ട ഹെല്‍പ് ലൈന്‍ നമ്പറുകളും ഇതില്‍ ഉള്‍പ്പെടുത്തിയിട്ടുണ്ട്. തീര്‍ഥാടനത്തിനിടെ ആരോഗ്യപരമായോ മറ്റ് അടിയന്തരമായോ പ്രശ്‌നങ്ങള്‍ നേരിടുന്ന ഭക്തര്‍ക്ക് ആവശ്യമായ സഹായം വേഗത്തില്‍ ലഭ്യമാക്കുകയാണ് ഇതിലൂടെ ലക്ഷ്യമിടുന്നത്. ക്ഷേത്രവുമായി ബന്ധപ്പെട്ട പ്രധാന വിവരങ്ങളും ഒരിടത്തുതന്നെ ലഭ്യമാകുന്നത് തീര്‍ഥാടകര്‍ക്ക് ഏറെ ഗുണകരമാകും.

പ്രത്യേക മൊബൈല്‍ ആപ്ലിക്കേഷന്‍ ഡൗണ്‍ലോഡ് ചെയ്യാതെ തന്നെ മൊബൈല്‍ ഫോണിലെ വെബ് ബ്രൗസറിലൂടെ ഈ സേവനം ഉപയോഗിക്കാം. വിവിധ കേന്ദ്രങ്ങളില്‍ സ്ഥാപിച്ചിട്ടുള്ള ക്യു.ആര്‍ കോഡ് സ്‌കാന്‍ ചെയ്ത് പ്ലാറ്റ്‌ഫോമിലേക്ക് പ്രവേശിക്കാനാകും.

ആപ്ലിക്കേഷന്റെ ഔദ്യോഗിക പ്രകാശനം തദ്ദേശ വകുപ്പ് മന്ത്രി കെ.എം ഷാജി നിര്‍വഹിച്ചു.

Sabarimala Pilgrimage: ‘SARAN’ Digital Platform Launched to Assist Devotees

Share Email
LATEST excelnclexrn
More Articles
Top