വാഷിംഗ്ടൺ: അമേരിക്കൻ കോൺഗ്രസിന്റെയും ഡസൻ കണക്കിന് സംസ്ഥാന സർക്കാരുകളുടെയും ഭാവി നിർണ്ണയിക്കുന്ന 2026 ലെ യു.എസ് മിഡ്‌ടേം തിരഞ്ഞെടുപ്പിന് നാളെ (ചൊവ്വാഴ്ച, നവംബർ 3) തുടക്കമാവുന്നു. ജനപ്രതിനിധി സഭയിലെ മുഴുവൻ വരുന്ന 435 സീറ്റുകളിലേക്കും, 35 സെനറ്റ് സീറ്റുകളിലേക്കും, 36 ഗവർണർ സ്ഥാനങ്ങളിലേക്കുമാണ് വോട്ടെടുപ്പ് നടക്കുന്നത്. രാജ്യത്തുടനീളം വിവിധ സമയങ്ങളിലായി പോളിംഗ് ബൂത്തുകൾ അടയ്ക്കുമെങ്കിലും ചൊവ്വാഴ്ച വൈകുന്നേരത്തോടെ തന്നെ പ്രാരംഭ ഫലങ്ങൾ പുറത്തുവന്നുതുടങ്ങും. ചില മത്സര ഫലങ്ങൾ അന്ന് രാത്രി തന്നെ പ്രഖ്യാപിക്കപ്പെടുമെങ്കിലും, കടുത്ത മത്സരം നടക്കുന്ന ചില മണ്ഡലങ്ങളിൽ ഫലം പുറത്തുവരാൻ ദിവസങ്ങളോ ആഴ്ചകളോ എടുത്തേക്കാം.
പ്രാദേശിക സമയം രാവിലെ 6 മണിക്കും 8 മണിക്കും ഇടയിലാണ് ഭൂരിഭാഗം പോളിംഗ് കേന്ദ്രങ്ങളും തുറക്കുന്നത്. ടെക്സസ്, നോർത്ത് കരോലിന തുടങ്ങിയ സംസ്ഥാനങ്ങളിൽ നേരത്തെയുള്ള വോട്ടെടുപ്പ് ഇതിനകം അവസാനിച്ചിട്ടുണ്ട്. വോട്ടർമാർ തങ്ങളുടെ കൃത്യമായ പോളിംഗ് കേന്ദ്രങ്ങളും സമയവും തിരിച്ചറിയൽ കാർഡ് വിവരങ്ങളും അതത് പ്രദേശങ്ങളിലെ തിരഞ്ഞെടുപ്പ് ഓഫീസുകൾ വഴി മുൻകൂട്ടി പരിശോധിക്കേണ്ടതാണ്.
വിവിധ സമയങ്ങളിലായാണ് പോളിംഗ് ബൂത്തുകൾ അടയ്ക്കുന്നത്. ഇന്ത്യാന, കെന്റക്കി എന്നിവിടങ്ങളിൽ ഈസ്റ്റേൺ സമയം (ET) വൈകുന്നേരം 6 മണിക്ക് ആദ്യ പോളിംഗ് ബൂത്തുകൾ അടയും. വിർജീനിയയിലും മറ്റ് ചില സംസ്ഥാനങ്ങളിലും രാത്രി 7 മണിക്കും, നോർത്ത് കരോലിന, ഒഹായോ, വെസ്റ്റ് വെർജീനിയ എന്നിവിടങ്ങളിൽ 7:30-നും പോളിംഗ് അവസാനിക്കും. കാലിഫോർണിയ, ഒറിഗോൺ, വാഷിംഗ്ടൺ എന്നിവിടങ്ങളിൽ രാത്രി 11 മണിക്കും അലാസ്കയിൽ ബുധനാഴ്ച പുലർച്ചെയുമാണ് പോളിംഗ് അവസാനിക്കുക.
ഔദ്യോഗിക ഫലം വരാൻ സമയമെടുക്കും
വോട്ടെടുപ്പ് അവസാനിക്കുന്ന മുറയ്ക്ക് ഫലങ്ങൾ വന്ന് തുടങ്ങുമെങ്കിലും മാധ്യമങ്ങളുടെ പ്രൊജക്ഷനുകൾ മാത്രമായിരിക്കും ആദ്യം പുറത്തുവരിക. ഔദ്യോഗിക ഫലപ്രഖ്യാപനത്തിന് സംസ്ഥാനങ്ങളുടെ ഔദ്യോഗിക സർട്ടിഫിക്കേഷൻ നടപടികൾ പൂർത്തിയാകേണ്ടതുണ്ട്. വോട്ടെണ്ണൽ നീണ്ടുപോകുന്ന സാഹചര്യങ്ങളിലും, തപാൽ വോട്ടുകൾ കൃത്യസമയത്ത് എത്തുന്നതിലെ കാലതാമസം കാരണവും ചില പ്രധാന മണ്ഡലങ്ങളിലെ ഫലങ്ങൾ അറിയാൻ ദിവസങ്ങളോ ആഴ്ചകളോ കാത്തിരിക്കേണ്ടി വന്നേക്കാം. കാലിഫോർണിയയിലെ പോസ്റ്റൽ വോട്ട് നിയമങ്ങൾ അനുസരിച്ച് നവംബർ 10 വരെ അയക്കുന്ന വോട്ടുകൾ സ്വീകാര്യമാണ്. 2022 ലെ മിഡ്‌ടേം തിരഞ്ഞെടുപ്പിലും ജനപ്രതിനിധി സഭയുടെ നിയന്ത്രണം ഏതാണ് ഒരു ആഴ്ചയ്ക്ക് ശേഷമാണ് വ്യക്തമായത്.
ചൊവ്വാഴ്ച രാത്രിയോടെ തന്നെ ഫലങ്ങൾ സംബന്ധിച്ച വ്യക്തമായ സൂചനകൾ ലഭിച്ചുതുടങ്ങുമെന്നാണ് കരുതപ്പെടുന്നത്. തിരഞ്ഞെടുപ്പ് വിവരങ്ങൾക്കായി അതത് സംസ്ഥാനങ്ങളുടെ ഔദ്യോഗിക വെബ്‌സൈറ്റുകളെയാണ് വോട്ടർമാർ ആശ്രയിക്കേണ്ടത്. ജോർജിയ, കാലിഫോർണിയ തുടങ്ങിയ സംസ്ഥാനങ്ങളുടെ ഔദ്യോഗിക സർട്ടിഫിക്കേഷൻ ഡിസംബറോടെ മാത്രമേ പൂർത്തിയാവുകയുള്ളൂ. സെനറ്റിലെയും ഹൗസിലെയും നിർണായക മത്സരഫലങ്ങൾ ആര് കോൺഗ്രസ് ഭരിക്കുമെന്ന് തീരുമാനിക്കുന്നതിൽ നിർണായകമാകും.
